चारोळी

तुझ्या कानी निनादु देत
माझ्या ओठातील सूर सारे
माझ्या मनी वाहू देत
तुझ्या प्रेमाचे गार वारे

तुझ्यासमोर गळुन पडलेले शब्द
कवितेत मात्र चुरुचुरु बोलु लागतात
तुझ्यासमोर लपणा-या भावना
कवितेत मात्र ओसंडुन वाहु लागतात

पिकलं पान

पिकलं पान
झाडाला म्हणते बाय बाय
माझं आता
काम काय? ||१||

पिकलं पान
हिरवटपना जात नाही
केव्हा गळेल केव्हा गळेल?
झाडालाच चिकटून राही ||२||

पिकलं पान
झाडावरून गळून जाई
झाडाखाली पडून पडून
सडून जाई ||३||

पिकलं पान
झाडावरून पडून जाई
जमीनीवर पडल्या पडल्या
जुन्या दिवसांची आठवण येई ||४||

पिकलं पान