भूत काल्पनिक गूढकथा

ती फारच गप्पिष्ट, त्यात चार महिन्यांचा विरह! विमानतळावरून मी नवीनच घेतलेल्या घरी येताना तासाभराचा रस्ता संपला कधी ते ही आम्हाला कळले नाही. उरलेला दिवस सामानाची आवरावावर करण्यात गेला. रात्री वरण भात जेवून गादीवर पडलो. जुन्या स्पर्शांची मला नव्याने ओळख होत होती, पण मनात चलबिचल वाढतच होती. तरी त्या आनंद तरंगात शरीरापासून विलग अवस्थेत मी हेलकावे घेत होतो. हेलकव्यांची तीव्रता इतकी वाढली की मी भानावर आल्यावर मला कळले की ती मला जागं करत होती!

"मला झोप येत नाही!"

"तुझा जेट लॅग आहे म्हणून असेल"

"नाही, मला त्या घड्याळाच्या आवाजाने झोप येत नाही"