मनातले काही

सरता दिवस, ढळता सूर्य आणि मनात दाटलेली सय
थेंब थेंब पाऊस, भरलेलं आभाळ आणि डोळ्यात काहूर

धुक्यातली पहाट, गुलाबी थंडी आणि लपेटलेला तुझा हात
पक्ष्यांची किलबिल, पानांवर साठलेलं दव आणि शहरातें अंग

सोसाट्याचा वारा, उठलेला धुराळा आणि हरवलेली मी
समुद्राची गाज, पसरलेलं क्षितीज आणि ठणकती नस

डोलणारी कणसं, वाऱ्याची झुळूक आणि तुझी आठवण
आकाशात पंचमी, दारी तोरणे आणि मनी सोहळे

अंधारी वाट, चमकणारा काजवा आणि दारी पणती
बासरीची धून, पाण्यात चांदणे आणि मनी मोरपीस