कालीचा अवतार

स्त्री ही अबला नसून प्रसंगी कालीचा अवतार धारण करू शकते. नवरात्रोत्सवाच्या निमित्ताने अशी ताकीद देणारी कविता-

*कालीचा अवतार*

उपमा सीता सावित्रीच्या
आम्हांस तू देऊ नकोस
जुन्या झाल्या त्या प्रतिमा
पुन्हा पुन्हा फसवू नकोस

देऊन दागिना लज्जेचा
निर्लज्ज होऊन लुटू नकोस
मायावी तू वस्त्रे पांघरून
निर्वस्त्र करून भोगू नकोस

मायबहिणींची अब्रू लुटुनि
बेअब्रू पावित्र्यां करू नकोस
सबला आहोत आता आम्ही
अबला आम्हां समजू नकोस