पवन बावरी

पवन बावरी

वाऱ्याची मंद झुळूक अंगी
साजण सय घेऊन यावी
काळे कुंतल चेहऱ्यावरती
नभाआड चंद्र झाकून जावी

मनी आठवून छैल छबिला
रंगीन याद उमलून यावी
अलगद काटा अंगी फुलता
स्वये स्वतःला मिठी मारावी

झुळूक होऊन फुला छळावे
बागेमध्ये स्वछंद पळावे
पंख पसरून धुंद मनाचे
निळ्या आकाशी उंच उडावे

पांघरूनि सखी रात्र काळी
चांदण्यांना मस्त हूल द्यावी
चांदोबाच्या गाडीत बसुनि
नभांगणाची सहल करावी