मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
दाह शमवणारा अनुभव दे एखादा
Submitted by बेफ़िकीर on 21 May, 2019 - 01:34
दाह शमवणारा अनुभव दे एखादा
तहान नसलेला अवयव दे एखादा
सर्व जाणिवा भोगांनी बोथटलेल्या
जन्म कमालीचा बेचव दे एखादा
पोचणार हा अहं नदीमध्ये बुडवू
मधेच तुटलेला साकव दे एखादा
हिरवाईची मैफिल कधीच उरकेना
निष्पर्णांसाठी उत्सव दे एखादा
जगात अन् माझ्यात वैर हे केव्हाचे
मधून जाणारा विस्तव दे एखादा
मूर्तीपेक्षा त्याला वंदन करेन मी
तुला पाहिलेला मानव दे एखादा
-'बेफिकीर'!
विषय:
शब्दखुणा:
