गुलमोहोराचे फूल

गुलमोहोराचे फूल

गुलमोहोराचे फूल कलंदर
न्याहाळता सूक्ष्म निरंतर
दिसले अजब प्रेम प्रकरण
लाल केशर प्रेम उधळण

पंच पाकळी मृदु सिंहासनी
बसली मध्ये स्त्रीकेसर राणी
की लाल केसरी भव्य सदनी
रांगोळी घालिते पित अंगणी

पती सभोती दश-पुंकेसर
बांधुन पित पागोटे डोईवर
रक्षण करण्या दक्ष पतीवर
प्रेमे उधळती पराग पत्नीवर

प्रेमाची ही अजब कहाणी
हिंदोळत होती पानोपानी
गात होती प्रेमाची गाणी
हिरव्या हिरव्या गार रानी