कधी वाटले जर भेटावे
Submitted by kkaliikaa@gmail.com on 6 May, 2019 - 12:36
कधी वाटले जर भेटावे
येऊन जा येऊन जा
या हृदयीचे दार मोकळे
तुझ्याचसाठी...
कधी वाटले जर पाहावे
नभी चांदणे निरखून जा
निळाईतला तो चंद्र लाजरा
तुझ्याचसाठी...
कधी वाटले जर बोलावे
कुसुम कळ्यांना छेडून जा
रंग गंध अन परिमळ सारा
तुझ्याचसाठी...
कधी वाटले नाहीच काही
तरीही मनात येऊन जा
त्यात निरंतर रमते "राधिका"
तुझ्याचसाठी... तुझ्याचसाठी...
विषय:
शब्दखुणा: