मतदानाचा दिवस

मतदानाचा दिवस

मतदानाचा दिवस होता
पोटापाण्याचा प्रश्नच नव्हता
म्हटलं, रसना तृप्त करावी
मस्त खाऊन झोप काढावी

रात्रभर जीव तळमळत होता
निवडणूक किडा वळवळत होता
मतदानाचे काही ठरेना
कीडा मनातला तोही मरेना

रात्र विचारात अशी गुदमरली
झोपेतच पहाट सरली
उशीरा उशीरा आंघोळ केली
खाऊन पिऊन ताणून दिली

झोपेचे पण सुख कुठले !
बापूजी, स्वप्नात प्रकटले
दरडावून मला म्हणाले
मताचे दान केलेस का रे?
मतदान पवित्र कर्तव्य आपले
सत् असत् विचार करावा
त्यानंतर त्राता ठरवावा