सृजनाचे बीज

सृजनाचे बीज

जगण्याआधी मरणाचा गुंता
मोक्ष मिळविण्या करती चिंता
पुत्रप्राप्तीने स्वर्ग मिळविता!
मुलीने का नरकात शिरता?

पुत्र पाजिता पाणी पित्याला
मोक्ष मिळवून जाई स्वर्गाला
पुत्रप्राप्तीचे गाई जुनेच गाणे
गरुड पुराण तर झाले पुराणे

कुलदिपक ध्यास जनाला
मुलगा मुलगी भेद कशाला?
जुने ते सगळे नसते सोने
विषमतेचे ना गाऊ गाणे

मुलगा मुलगी दोन्ही समान
हक्क वारसा दोघांचा मान
बाळगा लेकीचा अभिमान
नका करू तिचा अपमान