वृक्कखड्या रे वृक्कखड्या

२५ जानेवारी २०१९, शुक्रवार रोजी डोंबिवलीच्या दांडेकर हॉस्पिटलमध्ये माझ्यावर युरिन स्टोनसाठी शस्त्रक्रिया पार पडली. पण, तत्पूर्वीच्या किती रात्री वेदनामय झाल्या आणि त्यातून सुटका करण्यासाठीचे डॉक्टरांचे प्रयत्न यावरून सुचलेली ही कविता....

वृक्कखड्या रे वृक्कखड्या

वृक्कखड्या रे वृक्कखड्या
छळलेस किती मजला वेड्या
निघायचं तू आता गुपचूप
हात जोडितो तुला गड्या

पकडून काढी शोधून खडी
दांडेकर हा निष्णात गडी
वा घेऊन लेझर बंदूक हाती
वृक्कखड्यांची करील माती