कळा ज्या लागल्या देहा

युरिन स्टोनमुळे कळा येऊन असह्य वेदना होत असताना कविवर्य भा. रा. तांबे यांची ‘कळा ज्या लागल्या जीवा’ ही कविता आठवली. त्यांची क्षमा मागून यांच्या कवितेचे केलेले हे विडंबन -

कळा ज्या लागल्या देहा

कळा ज्या लागल्या देहा, मला की डॉक्टरा ठाव्या !
कुणाला काय हो त्याचे, कुणाला काय सांगाव्या ?

उरी हा हात ठेवोनी, उरीचा शूल का जाई ?
मनी म्हणू किती गाणी, वेदना थांबतची नाही

जनांचे कोरडे सल्ले, ना देती मज सांत्वना
मम असह्य वेदनेची, नसे कुणा सहवेदना