वाट...

वाट...(दिप्ती)

जुन्याच एका वाटेवर
वाट चुकले होते मी
आज पुन्हा मी
त्याच वळणावर
नवी वाट शोधत आहे मी

भांबावलेली आहे मी
गोंधळले हि आहे मी
वाट पुन्हा पुन्हा शोधून
दमले आहे मी

अशी कशी मी हि वेडी
इतकी कशी मी बावरलेली
वाट स्पष्ट समोर असुनही
वाट शोधत भटकणारी मी

वाट हरवली आहे म्हणून
जीवनात माझ्या
निराशेचा हा काळोख
देईल का मज करुन कोणी
माझ्या नव्या वाटेची ओळख

अखेरीस कुणीतरी
हाक मजला दिली
हिच आहे ती वाट तुझी
अशी खात्री मजला दिली