'तुंग किल्ला' (कठीणगड)
कधी कधी नकळत अचानक ट्रेक केला जातो.. नि तो यशस्वी झाला तर मिळणारे समाधान, आनंद मोलाचा असतो.. गेल्या रविवारी असेच काही घडले..
शनिवारी रात्री शिर्डी पॅसेंजरने लोण्यावळ्याला जात होतो तोच पक्क्याचा समस आला.. स्टार माझा ब्लॉग मध्ये उत्तेजनार्थ पारितोषिक मिळाल्याबद्दल.. त्याला अभिनंदन केले नि कळवले 'तुंग' ला जातोय.. नंतर बोलू'... यावर त्याचा प्रतिसमस.."आयला, तुंग ?? कोणकोण जात आहेत?"...
म्हटले आता ह्याच्यासकट अनेक माबोकरांच्या शिव्या खाव्या लागणार.. आपण कधीतर एकत्र इथे जायचे असे ठरले होते.. पण माझे अचानक ठरले..