मालसे का़का नाटक

मालसे काकांना मालसे म्हणायचं की मालशे हा प्रश्न आजही सुटलेला नाही. त्यांची मुलगी मालसे असं आडनाव सांगायची तेव्हां ती बोबडे बोलत होती आणि मी थोडासा मोठा होतो. तेव्हांपासून आपलं मालसेच.

आमची पुण्याच्या बाहेरची पहिली अशी कॉलनी होती जी नीटनेटकी वसाहत होती. आगाखान पॅ लेसच्या अलिकडेच पण त्या वेळी गावाच्या बाहेर समजले जाईल. रिक्षावाले यायला तयार नसत. आता या भागात इच्छा असूनही फ्लॅट सुद्धा घेता येत नाही. त्या वेळी दहा इमारतींनी बनवलेल्या चौरसाकृती आकारात आमची वसाहत डौलाने उभी होती. मधल्या भागात मोठे पटांगण होते. तिथे आमचं क्रिकेट चालायचं. प्रौढ माणसं व्हॉलीबॉल खेळत.