मुक्काम पोष्ट घोडपदेव

विठ्ठल वारकरी......

Submitted by ASHOK BHEKE on 27 June, 2021 - 11:28

*महेशदादा थोरात...* या गृहस्थाला त्याच्याच हितचिंतकाने बाजारातून एक किलो दु:ख दिले. अर्धांगिनी सविताची पूर्ण ताकीद, काहीपण घरी आणायचं नाही. त्यामुळे गडी विवंचनेत होता. पण पिशवी घेऊन रस्त्याने येताना एकेक हितचिंतक, मित्र भेटत गेला आणि पिशवीतून काही अंश तो मुठ भरून घेऊन गेला. घरी जाईपर्यंत त्याची पिशवी रिकामी झाली होती. तुला कशाला त्रास.... म्हणत सहकारी मित्र त्याच्याकडचा दु;खाचा प्याला ते रिचवितात , आणि सुखाचा प्याला मात्र त्याच्या वाट्याला देतात. ही त्या स्वामी नुनियानंद यांची किमया...! असे अनेक मित्र आहेत. दुसऱ्यांची दु:ख वाटून घेतात. सुखात सहभागी होतात.

विषय: 

जळू....!

Submitted by ASHOK BHEKE on 22 December, 2020 - 11:03

कुत्र्यांची एक खासियत असते, कुणीही दिसले कि भुंकणे सुरु. एखादा हत्ती दुरून येताना दिसला कि यांचे भू-भू सुरु झालेच समजा. पण जसा-जसा तो हत्ती जवळ येईल. तसतसे कुत्रे भुंकणे सोडून शेपटी टाकून दूर पळून जातात. परवा एक हत्ती रस्त्याने चालला होता. हत्तीवर माहूत बसला होता. त्याचा रुबाब पाहून रस्त्यावरची कुत्री भुंकत होती. साहजिक आहे भुंकणारच. हत्तीसारखं डौलदार चालणे हे त्यांच्या डोळ्यात भरणारे कदाचित असावे. पण अशी किती कुत्री भुंकत असतात, पण हत्तीने कधी मागे वळून बघितले नाही. एखाद्याच्या स्वभावाला औषध नसते ते तंतोतंत खरेच.

विकासकावर बोलू काही....

Submitted by ASHOK BHEKE on 22 December, 2020 - 11:00

मी उगाच मारीत नाही फालतू बढाया
कधीतरी रागातून व्यक्त करतो प्रेमाची भाषा
कंठल्या स्वरात सांगतो,
विकासकावर बोलू काही....!
कोण कुठला आला आणि चाळीचा धनी ( विकासक) झाला
आश्वासनाच्या कढीभातावर बोळवण करीत
नव्या घराचं दिवास्वप्न अंधारात दाखवून गेला
खुणावते नव्या घराचा थाटमाट...
पण वारं उलटं वाहू लागलं
विकासकाच्या बोलण्यात इमाने नेक नाही
यायच्या अगोदर आलबेल होतं
आल्यानंतर त्याने दुहीचे बीज पेरले
त्यास्तव लाचारीचे कोंब उमलले..
सगळ्यानांच हवं असतं नवं घर
सुखाचं आणि समृद्धीचे
कुलस्वामीचे नांव घेत केले गृहदान

विषय: 

*घोडपदेव थोर, पण बोकाळले चोर*

Submitted by ASHOK BHEKE on 2 December, 2018 - 08:33

विषय कुठलाही असो चवीचवीने चघळणे, आपल्या पुरुषांचा स्वभावधर्म. यात महिलाही मागे नाहीत. ऐन गुलाबी थंडीत चोरांचा खूपच बोलबाला आहे. चोरांचे खुमासदार रंजक किस्से ओघाने आलेच.चोरांना देखील सुकाळ प्यारा तसा दुष्काळ देखील प्यारा. *स.दा. चोरटे* ही व्यक्तिरेखा आपल्या नावाप्रमाणे कर्म करीत असते.तर *हा. त. सफाईकर* चालताचालता कुणालाही गंडा घालण्यात वस्ताद. असाच एक हा. त. सफाईकर, सडपातळ शरीरयष्टी. सफेद शर्ट आणि फिट जीन्स,पेहराव संशय ने येण्याजोगा घोडपदेव नाक्यावरून सावज हेरीत धाकु प्रभुजी वाडीतून चालला होता. २३ जानेवारी २०१७. वेळ दुपारी २.५०. आकांक्षा फोटो स्टुडीओचे अर्धे शटर बंद होते.

विषय: 

माझी शाळा : पूर्व भायखळा....!

Submitted by ASHOK BHEKE on 30 November, 2018 - 11:08

रोज जाता येता शाळा पाहतो. तीन मजली इमारत. विटांच्या खोल्या नाहीत तर साक्षात विद्येचे मंदिर. त्या मंदिरात घंटा देखील आणि रोज प्रार्थना देखील होते. सहज त्या दिवशी बाहेरच्या खिडकीतून आंत डोकावले. एक साथ नमस्ते गलका ऐकू आला.... नव्हे माझा मलाच भास झाला. सभोवताली भिंतीचे कुंपण आणि सुगंधी फुलांच्या बगीच्यात ताठ मानेने उभी असलेली माझी शाळा.ज्ञानाचं बीजारोपण करणारा फळा थकला होता. आवाज करणारी खिळखिळी बाकं शांतपणे भिरभिरत माझ्याकडे पाहत विचारती झाली, ओळखलं का आम्हाला....! भूतकाळातले ते क्षण आठवले. निरागस, अल्लड, अबोल बालपण... आयुष्यातील स्वप्नवत काळ.

विषय: 

*बंडखोर काका घाडीगांवकर*

Submitted by ASHOK BHEKE on 25 November, 2018 - 00:20

बंडखोर काका घाडीगांवकर हे शिर्षक पाहिल्याने अनेकांच्या भुवया उंचावल्या असतील. हे शिर्षक देणे मला त्यांच्या आजपर्यंतच्या जीवनाला अनुसरून असल्याने उचित वाटते. कारण अन्याय, जुलुमाच्या, आक्रमणाच्या विरुध्द उभा ठाकतो तो बंडखोर.समाजमनाला आरसा दाखविणारा, नव्या युगाला प्रकाशमान करणारा बंडखोर. आपला माणूस चुकला भुलला तर त्याला सावरून घेणारा बंडखोर. संत तुकोबा सारखे समाजात अनेक बंडखोर अनेक क्षेत्रात उदयास आले.सूर्यासारखे तळपत राहिले.

विषय: 

बापमाणूस

Submitted by ASHOK BHEKE on 16 November, 2018 - 10:20

आयुष्याचा चक्रव्यूह समर्थपणे पेलवणाऱ्या पण काही कारणास्तव असह्य झाल्यामुळं हाताच्या ओंजळीत डोकं लपवून एकटाच ओक्सापबोक्शीप रडणारा तो बापमाणूस पाहिला, अन मन हेलावल. काळोखलेल्या आकाशात कडाडणाऱ्या वीजेसारखे विचार एकामागोमाग सुरू झाले …विचारांचं थैमान थांबायला हवं पण विचारांचा प्रवाह मनाच्या खोलवर सैरावैरा फिरत राहिला. पुरुषाच्या सहनशीलतेचा बंध ( काही अपवाद वगळता ) फुटतो आणि तो असहाय होऊन टाहो फोडतो, तेव्हा परमेश्वर सुध्दा त्याच्या पीडा आणि यातनाकडे दुर्लक्ष करू शकत नाही. कारण परमेश्वर माणसाच्या सहनशक्तीपेक्षा अती भार माणसावर टाकत नाही. त्या बापमाणसाला मी वेगवेगळ्या रुपात पाहिले होते.

विषय: 

खांदेरीच्या पोटात दडली विजयगाथा

Submitted by ASHOK BHEKE on 14 November, 2018 - 11:07

पोर्तुगीझांबरोबर स्वराज्यास त्रास देणारे जंजिरेकर सिद्दी आणि इंग्रज यांना शह देण्यासाठी, इंग्रजांची सिद्दीला मिळणारी रसद ठप्प करण्यासाठी, तसेच या दोन शत्रूच्या मुळावर पाचर ठोकण्यासाठी अलिबाग आणि मुंबईच्या मध्यावरील बेटांवर छत्रपती शिवरायांनी बांधलेला किल्ला.... खांदेरी. खांदेरी म्हणजे इंग्रजी भाषेत हेनरी. यानंतर सिद्दीने दीड किलोमीटर असलेल्या बेटावर उंदेरी ( इंग्रजीत केनेरी हे नांव ) किल्ला बांधला. अलिबागसमोरील खोल समुद्रात हे जलदुर्ग आहेत. मुंबई समुद्र किनाऱ्यावरून दिसणारे हे जलदुर्ग नेहमीच खुणावत असतात.

विषय: 

आठवणीतील माणसं : नारायण आलेपाकवाला

Submitted by ASHOK BHEKE on 10 November, 2018 - 23:51

परवा एका मुलाने वीस रुपये कमविले त्याने इतक्या ऐटीत सांगितले की, त्याने वीस लाखाची कमाई केली. आश्चर्य वाटले. आम्ही लहान असताना ५ पैश्यासाठी किती किती कामे केली हे मनात आले तरी डोळ्याच्या किनारी ओलसर होते. लहानपण गेले पण त्या लहानपणातल्या आठवणींची शिदोरी अनपेक्षितपणे कधी उघडली जाईल, सांगता येत नाही. १९७० ते ८० दशकात चाळीचाळीतून एक माणूस आलेपाक विकायला यायचा. सुमधुर आवाजात सातमजली साद घालायचा, तसे घराघरातून मुले बाहेर यायची अन म्हणायची नारायण आलेपाकवाला आला. खूप बोलका माणूस. मला ही खूप बोलणारी माणसं फार आवडतात. निर्मळ मनाची असतात. कुणाचं वाईट करायचं त्यांच्या मनाला शिवत नाही.

विषय: 

Pages

Subscribe to RSS - मुक्काम पोष्ट घोडपदेव