आनंदाच्या दुधात ....

आनंदाच्या दुधात ....

कधी बसून पाहिलेत का
कोवळ्या उन्हात
कधी पळून पाहिलेत का
मोकळ्या रानात

झाडाच्या गार सावलीत
घेतलात का कधी झोका
डोंगराकडे बघून कधी
मारल्यात का हाका

अंगणात टाकून अंथरूण
कधी मोजल्यात का तारका
ढगा आड लपलेला चंद्र
कधी पाहिलात का धुरका

पौर्णिमेच्या दिवशी कधी
केलीत का अंगत पंगत
अर्ध्या चटणी भाकरी बरोबर
कधी केलीत का संगत

पांघरुणात गुरफटून कधी
झेललित का रवी किरणे
सांज सावलीत कधी
ऐकलेत का गाईचे हंबरनणे