पोळा सण

बैलपोळा सण हा तसा माझ्या ओळखीचाच. पण सासरी आल्यावर त्या सणाच्या ओळखीसोबतच त्यांचे महत्वही पटले. नवीन लग्न झाले होते. पोळा सण असल्यामुळे सासुबाईनी गावी बोलावुन घेतले. पोळा सण तीन दिवस हा चालतो. या तीन दिवसात बैलाला काम कराव लागत नाही. पहिला दिवस असतो खांदमणीचा. यात पळसाची पानं व तुपानी बैलाची पाठ शेकली जाते. त्याची आंघोळ घालुन त्यांची पुजा होते. व छान पुरणपोळीचा नैवद्य दाखविला जातो. त्याच बरोबर गावातील आजुबाजुच्या घरातील बैल असतील तर त्यांच्या मालकांना व शेतावर काम करणाऱ्या गडी माणसांना तिन्ही दिवस जेवायला बोलवतात. त्यामुळे तिन्ही दिवस घरी दिवाळी सारखी धावपळ असते.