सदैव शिक्षका……

शिक्षक दिनानिमित्त,
माझ्यासह माझ्या समस्त शिक्षक बांधवांची क्षमा मागून
शिक्षकांनाच अर्पण…

सदैव शिक्षका……

सदैव शिक्षका तुला
शिक्षक रहायचे
देशाचे आधारस्तंभ
तुला घडवायचे

अंधार दिसे सर्वत्र तुला
दीप व्हायचे
मार्ग दाखविण्या सदा
जळत रहायचे

कुणी शिको वा नको
शिकवत राहायचे
वाळू रगडून रगडून
तेलही गाळायचे

वांझभूमीत ज्ञानबीज
सतत पेरायचे
पीक येवो वा न येवो
दिनरात श्रमायचे