शब्दांजली

शब्दांजली
परमपूज्य अटलजी ....

हिमालयाची उंची गाठली
टेकडी तरीही आलिंगली
अंतरात करुणेचा निर्झर
दुनिया चिंब चिंब केली

मरण तुम्हाला काय हरविल
वयही त्याचे मात्र क्षणभर
देशभक्तीचा अटल जागर
पुनश्च घडवा भारतभूवर

दृढ निश्चयी कणखर बाणा
परी अंतरी हळवे कवीपण
तुम्हासारखे तुम्हीच होता
वैऱ्यासाठी होते मोठे मन

काल शांततेचा ध्वनी ऐकला
" येइल फिरुनी मी म्हणाला "
गहिवरले गगन, गदगदली धरा
अचल वायु, थिजला सुर्य तारा