जणू काही झालेच नाही

तिला नोकरी हवी होती
नवर्‍याने सोडले होते
आठ वर्षाचा मुलगा तिच्याजवळ
माहेरी राहणे तिला आवडत नव्हते
तिच्या आईवडिलांनाही
लोक काहीबाही बोलायचे, टोमणे मारायचे
ग्रामीण भागातून आलेली होती
आर्थिक स्थितीही फारच बेताची
शिक्षणही यथातथाच
अतिशय गरजू परित्यक्ता

तिला चार ठिकाणी नेले
अहो आश्चर्यम
चारपैकी तीन ठिकाणी तिला ऑफरही मिळाली
नोकरी, राहणे, खाणे, सगळे तिथेच
मुलाला जवळच्या शाळेत अ‍ॅडमिशन
कामही तिला जमण्यासारखे
प्रत्येक ठिकाणी हसून 'हो, करेन'म्हणाली
बिचारी!