लक्तर देह
अत्तर श्वास
काळीज हे भकास
का रे घडले ?
उडले सारे
माझे मोहपाश
गलबत घेऊन
मनात सांडली
समुद्री एक लाट
काळीज वाहे
मन उसवते
सख्याचे बाहुपाश
©कवी वेडा फकीर
ओळखीचे डोळे दोन
त्यात अनोळखी कोण ?
तुझे माझे,याचे त्याचे
नात्याचे ...सारे साचे
कोण प्रेम,कोण मैतर
कोण फक्त जिवलग बर
तुझ्या माझ्या आत झरा
अंधार भिजे,सुटे गार वारा
कोणती मिठी दिली मला
काय नाव देऊ नात्याला ?
पुन्हा भेटू,वळून पाहू
आपण अनोळखीच राहू
कवी वेडा फकीर