सोकावलीय पत्नी अन् मी हताशलेला..!
मुटेसरांच्या बत्तीस तारखेला आमच्या घरात हे असं घडतं..!
कालच्याच मध्यरात्री हटकून तोल गेला
अट्टल मद्यप्यांनी अवसानघात केला
जागून रात्र सारी उपयोग काय झाला?
मी शोधण्यास जाता, ढेकूण लुप्त झाला
वाढू नकोस कोबी नि ताटात तू वटाणे
भरलेय पोट अंमळ, वर ताक आंबलेला
नेमाने लक्ष्य केले हाफ चड्डीस माझ्या
टॉमीने जीव नित्य, माझा हराम केला
सदरा फाटतो का? समजून आज आले
ठोकून आज काढू, खुर्चीतल्या चुकेला
लोंढेच पाहुण्यांचे सासरहून आले
होई खिसा रिकामा, बुक्की न साखरेला
घासून भांडी झाली, पुसतोय फरशी अजूनी
घसरून का बरे मग, माझाच तोल गेला?