विठू अनुभव

विठू अनुभव

कंठात तुलसी । भाळी तळपती । चंदनाची उटी । विठ्ठलाच्या ।।

कटेवरी हात । खुणावितो भक्ता । भवाब्धि (भवसागर) इतुका । तुम्हालागी (भक्तांलागी ) ।।

परब्रह्म स्वये । जाहले सगुण । गुण विलक्षण । वर्णवेना ।।

संत गाती नित्य । जयाची महती । रखुमाई पती । ध्यानी मनी ।।

येका शुद्ध भावे । येताची शरण । देई प्रेमखूण । निज भक्ता ।।

दीनांचा कैवारी । बंधू अनाथांचा । मायबाप साचा ( खरा) । लेकुरांचा ।।

पुरवितो कोड (लाड) । भक्तिचे भातुके (खाऊ, खाद्यपदार्थ) । गर्जे एकमुखे । संतजन ।।