मराठी गझल

मधाळसा हसेन मी...

Submitted by niraj_kulkarni on 26 February, 2008 - 23:28

मधाळसा हसेन मी... ( गझल )

तुझ्याच आठवांतला, खुमार हा जगेन मी...
उदास पापण्यांतुनी, मधाळसा हसेन मी...

भुलावणे तुला सखे, मला न शक्य व्हायचे;
तुझा सुगंध लाघवी, मनामधे जपेन मी...

निरोप घेतला जरी, करू नकोस काळजी;

गुलमोहर: 

गारवा..!

Submitted by मी अभिजीत on 21 February, 2008 - 05:41

कुंद या हवेत दाटलाय गारवा..
मज तरी असा कुठे हवाय गारवा..

हे जळावरी कशास दाटले धुके,
रूप न्याहळीत गुंतलाय गारवा..

लोकरीत अंग सर्व झाकुनी कसा,
आज तो विचारतो कुठाय गारवा..

पांघरून शाल मी सुखात राहिलो
मज कुठे अजून झोंबलाय गारवा ?

गुलमोहर: 

बाकी आहे...!

Submitted by मी अभिजीत on 20 February, 2008 - 06:03

सरला प्याला झिंग जराशी बाकी आहे
अजून थोडे दुःख उराशी बाकी आहे

दिसतो जो मी केवळ वरचा तरंग आहे
माझे 'मी'पण खोल तळाशी बाकी आहे.

तुम्ही हव्या तर सुखे आठवा श्रावणधारा
हिशोब माझा जुना उन्हाशी बाकी आहे.

गुलमोहर: 

नोकरांना जात कुठली, धर्म कुठला शेटजी

Submitted by प्रसाद शिर on 18 February, 2008 - 12:50

नोकरांना जात कुठली, धर्म कुठला शेटजी
जो तुम्हाला भेटला तो देव म्हटला शेटजी!

एक वाटी शेंदराची सांडली रस्त्यावरी
अन तिथे तुमच्यामुळे बाजार भरला शेटजी...

का जुन्या मालाप्रमाणे वापरोनी फेकता?
एवढा का माणसांचा भाव पडला शेटजी?

गुलमोहर: 

गुंड लोकांचे...

Submitted by प्रसाद शिर on 14 February, 2008 - 23:16

भक्त झाले लोक सगळे गुंड लोकांचे
भोवताली भव्य पुतळे गुंड लोकांचे

रोजची चतकोर पत्रे सभ्य लोकांची
अन पहा हे भव्य मथळे गुंड लोकांचे!

पांढर्‍या कपड्यांतली ही पाहुनी 'ध्याने'
चाहते होतात बगळे गुंड लोकांचे...

दंगली करतात त्यांना दंड देताना
न्यायमूर्ती नाव वगळे गुंड लोकांचे

जाळले संसार थोडे, मोडले थोडे
एवढ्याने भाग्य उजळे गुंड लोकांचे

दोस्तहो तलवार नाही, लेखण्या परजा
लेखणीने तख्त निखळे गुंड लोकांचे...

- प्रसाद

गुलमोहर: 

अशी गोड तू... एक महाग़ज़ल!!!

Submitted by niraj_kulkarni on 23 January, 2008 - 02:39

अशी गोड तू... एक महाग़ज़ल!!!

फुलांनी पुन्हा चूर लाजून व्हावे अशी गोड तू...
निशेने नव्या मंद गंधात न्हावे अशी गोड तू...

अशी तारकांनी असूया करावी तुला पाहता;
सदा चंद्र-सूर्यात संवाद व्हावे अशी गोड तू...

गुलमोहर: 

कसे सर्तिल सये

Submitted by kishor0705 on 15 January, 2008 - 04:18

इथे गुलमोहर वर स्वता:चे साहित्य लिहायचे आहे. संदीप खरे यांचे साहित्य खालील ठिकाणी आहे.
http://www.maayboli.com/hitguj/messages/103385/46788.html?1196684867

- मोडरेटर-२

गुलमोहर: 

आज फुलांची भाषा.....

Submitted by मानस६ on 31 December, 2007 - 12:34

आज फुलांची भाषा.....

आज फुलांची भाषा मजला कळते आहे
फूल होऊनी ऊर बघा दरवळते आहे

उष्म उसासे टाकीत आली, झुळूक कशी ही?
कोण आज त्या दूर तिथे तळमळते आहे?

शांत सागरा, आज कश्या ह्या निमूट लाटा?
आज काय रे तुझ्या मनी खळबळते आहे?

गुलमोहर: 

जमतिल सारे

Submitted by देवा on 18 December, 2007 - 01:03

हाय हॅल्लो करण्यासाठी जमतिल सारे
आणि खोटे हसण्यासाठी जमतिल सारे

जर उद्याला रस्त्यावर का मेला कोणी
कोण मेला बघण्यासाठी जमतिल सारे

हाल कोणी पुसण्यासाठी आले नाही
भाळ ओले पुसण्यासाठी जमतिल सारे

गुलमोहर: 

काय फायदा? (गजल)

Submitted by मिल्या on 17 December, 2007 - 00:04

आज पौर्णिमा नभात काय फायदा?
चांदणे नसे मनात काय फायदा?

वेचला मरंद तू जरी फुलांतुनी
वाटलास ना कुणात! काय फायदा?

पोटचे विकूनही न पोटभर मिळे
जन्म देउनी जगात काय फायदा?

चंद्र, चांदण्या खुडून आणशीलही
भाकरी न जर पुढयात काय फायदा?

गुलमोहर: 

Pages

Subscribe to RSS - मराठी गझल