टिका करताना
कधी कशी कोणावर करावी
याच्यासाठी शक्कल लागते
किती प्रमाणात केली जावी
याची सुध्दा अक्कल लागते
तेव्हाच आपण केलेली टिका
सुपर-डूप्पर घडू शकते
नाहितर कधी आपली बाजु
आपल्याच बोकांडी पडू शकते
विशाल मस्के
सौताडा, पाटोदा, बीड.
मो.९७३०५७३७८३
जगी जगताना
जे काही पाहिलं जातं
त्यामध्ये मन वाहिलं जातं
पण न पाहिल्या गोष्टींचंही
कधी गुणगान गायलं जातं
आतुन वेगळं असतानाही
वरून वेगळं दिसलं जातं
दिसतं तसं नसतं म्हणूनंच
इथे जगही फसलं जातं,...
विशाल मस्के
सौताडा, पाटोदा, बीड.
मो.९७३०५७३७८३
आपण
कुणी-कुणी काय केले आहे
यावर सर्वांचा डोळा असतो
दुसर्‍यांच्या प्रत्येक कामाचा
आपल्या मनात ताळा असतो
पण आपण काय करायला हवे
आपल्या लक्षात आले पाहिजे
अन् आपण जे करू शकतो ते
आपणहूनच केले पाहिजे,...
विशाल मस्के
सौताडा, पाटोदा, बीड.
मो.९७३०५७३७८३
तंटा मुक्तीत
गावचे तंटे मिटवण्यासाठी
गाव सुध्दा सज्ज असावं
गाव-गावचं एकीकरणही
अगदीच अविभाज्य असावं
हेवे-देवे मनी बाळगत
एकमेकांना चिमटे नसावेत
तंटामुक्तीचा अध्यक्ष कोण,.?
याच मुद्यावर ना तंटे असावेत
विशाल मस्के
सौताडा, पाटोदा, बीड.
मो.९७३०५७३७८३
शिकताना
शिकण्यासाठी खुप आहे
शिकणाराने जाणले पाहिजे
सदैव शिकण्याचे ध्येय
नसा-नसात भिनले पाहिजे
कुठलीही गोष्ट शिकण्यासाठी
कधीच कुठलेही भय नसते
कधीही काहीही शिकू शकतो
शिकण्याला ठराविक वय नसते
विशाल मस्के
सौताडा, पाटोदा, बीड.
मो.९७३०५७३७८३
सल्ला महत्वाचा
काळ्या काळ्या ढगांनी
मनी हर्ष दाटत आहेत
थेंब-थेंब पावसाचेही
जनी जल वाटत आहेत
दुष्काळंच दाटलाय अजुनही
भविष्यात पाणी टिकलं पाहिजे
थेंब-थेंब पाणी वाचवुन वाचवुन
पाणी जपायला शिकलं पाहिजे
विशाल मस्के
सौताडा, पाटोदा, बीड.
मो.९७३०५७३७८३
वास्तव
वेळीच करायच्या गोष्टी
योग्य वेळी होत नाहीत
सांगा आळशी पणाच्या
सवयी का जात नाहीत
कर्तव्य पार पाडताना
सदैवच दिरंगाई असते
पण बैल दुर जाताच
झोप्याचीही घाई असते
विशाल मस्के
सौताडा, पाटोदा, बीड.
मो.९७३०५७३७८३
कुंपण
शेताला कुंपण घातल्याने
शेताची चिंता मिटत नाही
वाढत्या नैतिक बदलांमुळे
आता सुरक्षित वाटत नाही
अनुभव येता समजेलंच
आम्ही अफवा वाटत नाही
सांगा कोण गँरंटी देईल
की कुंपण शेत लुटत नाही
विशाल मस्के
सौताडा, पाटोदा, बीड.
मो.९७३०५७३७८३
सत्य
नैतिकतेचा आजकाल
का राहिला नाही धाक
सत्य जरी दिसलं तरी
का असते डोळेझाक,.?
सत्य बघतात लोक
सत्य जगतात लोक
सत्य बघता-जगता का
सत्य झाकतात लोक,.!
विशाल मस्के
सौताडा, पाटोदा, बीड.
मो.९७३०५७३७८३
मी पण,...
मी काय केले आहे हे
सर्वांनाच सांगावं वाटतं
प्रत्येक गोष्टीत मी पण
कित्तेकांना टांगावं वाटतं
इतरांनी केलेले सत्कार्यही
कुणा-कुणाला पटत नाही
कितीही नाही म्हटलं तरी
मी पण सुटता सुटत नाही
विशाल मस्के
सौताडा, पाटोदा, बीड.
मो.९७३०५७३७८३
मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.