संगीतक हे नवे - रिक्शावाला आणि मी!
या दूरच्या दूर ओसाड जागी
किडे पाखरांवीण नाही कुणी
जावे कसे काम करण्यास आता
पहावे कुठे एक रिक्षा जुनी
तितक्यात भरधाव धाऊनी आली
पॉ पॉ करूनी रिक्षा कशी
साशंक मन हे आनंदी झाले
परी आज ये भूवरी ही जशी
आर्जवी होवोनी मी त्यास पुसले
नेशील का रे इच्छीत स्थळी
देईन तुजला योग्य ती बिदागी
निघू लवकरी वेळ नाही मुळी
मुर्दाड स्वरात तो मजसी वदला
मार्ग माझा वेगळाला असे
वाहन तुम्ही दुसरे पहावे
वेळ ना मज मी जातो कसे
म्हटले तया का हो निष्ठूर होता
असे आडवाट अन् वाहनेही कमी
उशीर होईल कामास जाण्या
दुजी मिळेल रिक्षा ही नाही हमी
परोपरी मी विनविले तयासी
देईन पैसे ज्यादा ही मी