'ती' आणि 'प्रेम'

मार्च २०१६ सुरु झाला आहे, उन्हाची झळ चांगलीच भासू लागली आहे; परंतु आज संध्याकाळी अचानक ढगाळ वातावरण तयार झाले व काही वेळातच पावसाच्या सारी बरसू लागल्या. ऑफिसिमध्ये बसून तेच- ते रटाळवाणे काम करत होतो. पण या एकाएकी झालेल्या निसर्गातील बदलाने शरीर ऑफिसिमध्ये असूनदेखील मन मात्र त्या पावसामध्ये जाऊन चिंब भिजू लागलं.

कलाकाराचा मन असूनही आज एका आय. टी. कंपनीमध्ये नौकरी करतो आहे; नौकरी कसली करतोय, दिवस काढतोय फक्त!