रात

अशी झाली तिन्हीसांज
आली निळाई दाटून
क्षितिजाने बांधियले
लाल केशरी तोरण

पक्षी फिरती माघारी
मनी घरट्याची आस
वात लावूनिया दारी
घर बघते वाटेस

हळूहळू ती निळाई
सरे क्षितिजाकडेला
शांत रात मोहवते
तप्त धरणी तनूला

गळा किन किन वाजे
घंटा गोठ्यात गुरांच्या
येई भाकरीचा वास
दारी प्रत्येक घराच्या

साऱ्या आसमंती दाटे
मंद पिठूर चांदणं
माझं गाव दमलेलं
घेते समाधानी झोप

-रोहन

महफूज़ रख इन अल्फाजों को
कदर–ए–मोहब्बत काम आएंगे।
रात ढलते ढलते
आफताब नजर आएंगे।...
.
.
.–Anand

चांदण्याची माझी ओढ जुनीच आहे
सुगंधाची माझी खोड जुनीच आहे
फुलावे प्रीतिलतेचे फूल अन् अनुरागाला बहर यावा
जावी रात तुझ्याबरोबर अन् पहाटेचा प्रहर यावा

निराकाराची माझी ओढ जुनीच आहे
तन्मयतेची माझी खोड जुनीच आहे
वाजावी निर्झर-बासरी अन् शृंगाराला कहर यावा
जावे रान थरारून अन् आनंद झुळझुळावा