मायबोली

मायबोली या संकेतस्थळाबद्दल माहिती

जुळलेच नाही

Submitted by रोहितकुलकर्णी on 23 November, 2020 - 09:30

जुळवुनी मी घेतले पण आपले जुळलेच नाही
कोणत्या स्वप्नात होतो हे मला दिसलेच नाही

प्रश्न होते गावभर अन वेसही संदिग्ध होती
उत्तराचे चाक पण रस्त्याकडे वळलेच नाही

तू मला सांगायचे अन मी तुला बोलायचे अन
ह्या अश्या पेचामधे थकले ऋतू कळलेच नाही

अंगणाच्या शेवटी जी कुंपणाची धाव होती
हे असे नात्यातले अंतर मला रुचलेच नाही

अत्तराचा शौक होता श्वास माझे मुक्त नव्हते
गंध जो भिडतो नभाशी गाठणे जमलेच नाही

मोजले आयुष्य हे परडीत वाढुन तू दिलेले
फसवुनी आयुष्य गेले ते जरी फसलेच नाही

- रोहित

पहिला पाऊस....शेतकऱ्याचा.

Submitted by Dairy milk on 26 October, 2020 - 05:35

ढग दाटले आभाळी,
मन घेई हे भरारी,
गंध मातीचा पसरे ,
बरसे धरी वर सरी,
अश्याच काही कवितेच्या ओळी अलगद मनात डोकावल्या. आणि मनाच्या ताणावर अलगद प्रेमाचा गारवा पसरला. आज तब्बल दोन वर्षांनी पाऊसानी जरा चांगली हजेरी लावली होती. यंदा तरी पाऊस नीट बघायला भेटल याची आस लागली होती..

नाती... माती..

Submitted by रोहितकुलकर्णी on 15 October, 2020 - 12:28

फसवी होती सगळी नाती
मुळात हलकी होती माती

उजळावे की विझून जावे
प्रश्न विचारत होत्या वाती

पडतच नाही धुके अताशा
सुकी सुनी गवताची पाती

माणुसकी निजली केव्हाची
गावामध्ये जाग्या जाती

खाली प्रवाह पळतो आहे
कसलीच खळबळ नाही वरती

खड्डे खोदून चट्टे आले
काहीच नाही लागत हाती

त्याग...

Submitted by माझी लेखणी.... on 25 September, 2020 - 17:25

“नवी कोरी कार रस्त्याच्या कडेला येऊन थांबली,कारचा दरवाजा उघडला आणि कोण बर बाहेर आलं?वाह किती देखणा तरूण आहे हा,अगदी राजकुमारासारखा.त्याने खुप उंची कपडे परिधान केले आहेत.

पछाडलेल्या वास्तूत येणारे अनुभव.

Submitted by अनिळजी on 25 September, 2020 - 12:16

नमस्कार, मी काही दिवसांपूर्वी एक घर घेतलं. साधारण महिना झाला असेल आम्ही म्हणजे मी, पत्नी, आणि दोन वर्षांचा मुलगा या घरात शिफ्ट झालो. जेव्हा पहिल्यांदा हे घर पाहायला आलो तेव्हा मी आणि हिने इथे प्रचंड अस्वस्थता अनुभवली. पण स्वस्त मिळत असल्याने हे घर फायनल केलं. इथे राहायला आल्यापासून आठवड्यात वाईट अनुभव यायला लागले आहेत. आमच्या तिघांशीवाय इतरही कोणीतरी इथे वावरत असल्याचा भास होतो. वारा नसताना दरवाजे जोरात उघडझाप होणे. कोणीतरी हाक मारल्याचा भास होणे, मध्यरात्री भांडी जोरात वाजणे असले प्रकार सर्रास घडत आहेत. पाच दिवसांपूर्वी बाथरूममधला नळ अचानक सुरू झाला होता.

ह्या मराठी वाक्यांचे इंग्रजी भाषांतर काय होईल?

Submitted by स्वान्तसुखाय on 20 September, 2020 - 09:52

मराठी मध्ये "जास्त प्रेम दाखवणे" याला "लाडात येणे" असे संबोधले जाते. "लाडात येणे" या वाक्प्रचाराला इंग्रजी मध्ये समर्पक अशी एखादी फ्रेज आहे का?

१. मालकाला पाहिल्याबरोबर कुत्रा लाडात आला.
२. मिनू लाडात येऊन म्हणाली , "बाबा मला अजून एक चॉकलेट दे ना."
३. आजी चिडून ओरडली, "जास्त लाडात येऊ नका."

या वाक्यांचे योग्य इंग्रजी भाषांतर काय होईल?

लेखनात मुख्य चित्र/फोटो देण्यासाठी नवीन सोपी सोय

Posted
1 वर्ष ago
शेवटचा प्रतिसाद
1 वर्ष ago

मायबोलीवरच्या लेखनात चित्रे/फोटो द्यायची सोय अनेक वर्षांपासून आहे. आधी तुमच्या वैयक्तीक जागेत फोटो अपलोड करायचा आणि नंतर तो लेखात चिकटवायचा. पण ही दोन टप्प्यात आहे आणि मोबाईलधारकांसाठी थोडी अडचणीची आहे.

विषय: 
प्रकार: 
शब्दखुणा: 

श्री गणेश हस्तलेखन स्पर्धा - cuty गट - ब

Submitted by Cuty on 5 September, 2020 - 07:30

मायबोली गणेशोत्सव 2020
श्रीगणेश हस्तलेखन स्पर्धा - cuty
गट-ब

बारावीचा मराठीचा पेपर लिहिला, आणि त्यावर आज वीस वर्षांनी पानभर मराठी लिहिले आहे. पदवी परिक्षेनंतर आजच काहितरी पानभर लिहिताना हात थरथरत होता.
लिहिता आले हेच समाधान.

ganapati.jpg

विषय: 

आहे

Submitted by रोहितकुलकर्णी on 31 August, 2020 - 11:46

मी पणा मी मोजतो आहे
मी स्वतःशी बोलतो आहे

मी रडत नाहीच काहीही
साल माझी सोलतो आहे

बंद केले मी मनाचे घर
थांब पत्ता खोडतो आहे

नाळ जी तू तोडली आहे
ती नव्याने जोडतो आहे

केवढी दुर्बोध भाषा रे
डिक्शनरी मी शोधतो आहे

उन्ह पाऊस झोम्बती मजला
मी भिजूनी पोळतो आहे

Pages

Subscribe to RSS - मायबोली