मायबोली

मायबोली या संकेतस्थळाबद्दल माहिती

प्रिये !

Submitted by सेन्साय on 4 October, 2017 - 23:37

.

.

प्रिये ! चंदन म्हणावं का गं तुला
अखंड सहवास सोबतीला
भीत अवचित पारखलो ह्या श्वासाला
सचित्त तुझ्यासंगे पुढील प्रवासाला

प्रिये ! गुलाब म्हणावं का गं तुला
मुलायम स्पर्श गंधित पसरलेला
नकळत दुरावलो ह्या स्वर्गसुखाला
अस्तित्व खुलवत मम स्मारकाला

.. गर्दी

Submitted by सेन्साय on 30 September, 2017 - 08:40

.

.

गर्दीला चेहरा नसतो
खरंय .... पण
माणुसकीही नसेल का !
की असते फक्त चेष्टा वृत्ती
अफवांची पेरणी
आणि लुटावी त्यातून
विघातक मौजमस्ती...

गर्दीला स्व-मत नसते
खरंय ... पण
सारासार विचारशक्तिही नसेल का !
की असते फक्त हिंस्त्र वृत्ती
आणि निव्वळ अंदाधुंद
स्वार्थी बेफिकीरी...

"मुक्ति"

Submitted by सेन्साय on 27 September, 2017 - 00:01

.

.

ओलेते मन ,
भिजेलेलं जीवन
पेटही न घेईना,
मरणाचे सारण

साथ मिळेना
नातं कळेना
काय चुकले
काही उमजेना

मुक्ति कुठे
अन चिता कुठे
विचार करायला
वेळ तरी कुठे

तू बसला
दगड होऊन
नाती राहिली
मजा बघून

जीव लावला
त्यातून एक गेला
इथे हिशेबाला
वेळ कोणाला

― अंबज्ञ

रात ही .... मिलनाची

Submitted by सेन्साय on 26 September, 2017 - 05:56

.

आठवणी उजळत न्हाउनि रात्री
चांदवा सांडतोय गुजगोष्टी
मोजता आपुल्या मैतर कथा
तारका मोजणे सोप्पे गं अवकाशी

मैतर तू बनलीस जिवाची
जीव लावता स्वप्ने उरातली
ओजेओजे प्रित साकारली नश्वर
स्वप्न सुंदरी तू गं माझ्या मनातली

अवखळ आयुष्य मोकाट होते
कोंदणात गुंफून तू सौंदर्यराशी
बंधित भानुतेजाला दृढ़ पाशात
चित करुनी सर्व ग्रहांची मिराशी

रिवाज

Submitted by कुणी दिवाणा on 25 September, 2017 - 13:14

भळभळणार्या जखमांची फिर्याद आज होती
टोकरणारी नखे कुणाची दगाबाज होती

फुलाफुलांचे पलंग सजले इथेच तारुण्याचे
चितेतली लाकडे कुठे ती घरंदाज होती

आम्हांस अंधारात ठेवले म्हणणार्या माझ्यांनो
व्यथा नागडी तिजला सार्यांचीच लाज होती

कधी न माझ्यावरी बरसल्या श्रावणधारा जरी
तहानूली आसवेच माझा ऋतुराज होती

उठ आता तु 'प्रविण' बाकी बरेच अंतर आहे
गळुन गेली नयनांमधुनी ती रिवाज होती

शब्दखुणा: 

माणसे वाचताना २- डॉ.प्रसाद दांडेकर यांच्याशी गप्पा

Submitted by सिम्बा on 21 September, 2017 - 04:56

काही दिवसांपूर्वी मी ‘माणसे वाचताना’ नावाचा एक लेख लिहिला होता.
पूर्वग्रह पुसून टाकण्यासाठी, सामान्य पांढरपेशा माणसासाठी taboo असे आयुष्य जगणाऱ्या माणसांची ’माणूस’ म्हणून ओळख करून घेण्यासाठी ’ह्युमन लायब्ररी’ हा उपक्रम आहे.
दरम्यान या उपक्रमाची मुंबईत दोन सत्रे पार पडली, पुण्यातही एक सत्र झाले,
मी या उपक्रमाला एक वाचक म्हणून हजर राहिलो होतो.
इथे एक पुस्तक होते, ’NOT JUST A MEDICAL ERROR’- डॉ. प्रसाद दांडेकर

२१ व्या वाढदिवसाला मायबोलीकरांची जगाला भेट : maayboli.cc

Posted
2 वर्ष ago
शेवटचा प्रतिसाद
2 वर्ष ago

आज इंग्रजी तारखेनुसार मायबोलीला २१ वर्षे पुर्ण झाली. गेल्या २१ वर्षात आपण अनेक उपक्रम केले. पण एका वेगळ्या उपक्रमाबद्दल आपण गेल्या गणेशोत्सवात एक कल्पना मांडली होती.

विषय: 
प्रकार: 

Pages

Subscribe to RSS - मायबोली