नियतकालीक

प्रशासकीय कृपा,...?

मोबाईल वापरण्याची हौस
प्रत्येकाच्या मनी दिसु शकते
मात्र कुठे मोबाईल वापरणे
हि अराजकता असु शकते

हल्ली तर जेलमधील कैद्यांचाही
मोबाईल वापराचा सोहळा आहे
कैद्यांच्या या मोबाईल वापरावर
प्रशासनाचाही काना डोळा आहे,.?

विशाल मस्के
सौताडा, पाटोदा, बीड.
मो.९७३०५७३७८३

छूप्या कँमेर्‍याचे सत्य,..!

कुणा-कुणाच्या नैतिकतेत
नको तितकी खोट असते
त्यांच्यामुळेच माणूसकीला
पून्हा-पून्हा गाल-बोट असते

जणू अनैतिकतेच्या परामर्शाने
विचारच त्यांचे नासवलेले असतात
म्हणूनच महा-कोडगांच्या औलादींनी
कुठे छूपे कँमेरे बसवलेले असतात,..

विशाल मस्के
सौताडा, पाटोदा, बीड.
मो.९७३०५७३७८३

तंबाखु,...!

कुणी विरोधात आहेत तर
कुणी-कुणी हितचिंतक आहेत
तंबाखु टिकवण्याच्या बाता
आता भलत्याच भंपक आहेत

तंबाखुच्या योग्य-अयोग्यतेवरती
अकलेचे कांदे ना फूत्करले जावे
ज्यांनाही तंबाखुने बरबाद केले
त्यांनाच वास्तव विचारले जावे

विशाल मस्के
सौताडा, पाटोदा, बीड.
मो.९७३०५७३७८३

धुसफूसीची कुजबुज

कितीही नाही म्हटले तरीही
मनी मतभेद स्पर्शले जातात
कुणाची धुसफूस होताच
लक्ष सर्वांचे आकर्षले जातात

प्रत्येक धुसफूसीची कुजबुज
जणू सांकेतिक बरबादी असते
तर कुणाची अंतर्गत धुसफूस
बाह्यजनांची लक्षवेधी असते

विशाल मस्के
सौताडा, पाटोदा, बीड.
मो.९७३०५७३७८३

विज्ञानाचा विचार,...

आधुनिकतेला स्विकारत
कुणी इथे विज्ञानी आहेत
तर विज्ञानाच्या युगातही
कुणी भलतेच अज्ञानी आहेत

विज्ञाना शिवाय जरी इथे
आधुनिक क्रांती घडत नही
तरी मात्र कुणा-कुणाला
सत्य पचनी पडत नाही

विशाल मस्के
सौताडा, पाटोदा, बीड.
मो.९७३०५७३७८३

मराठी माणसांची शान,...

महाराष्ट्राची शान मराठी
महाराष्ट्राची जान मराठी
मराठी माणसांची अस्मिता
महाराष्ट्राची त्राण मराठी

जगभरात माय मराठीचा
गौरवणारा झेंडा आहे
मराठी माणसांची शान
मराठीचा अजेंडा आहे

विशाल मस्के
सौताडा, पाटोदा, बीड.
मो.९७३०५७३७८३

माणूसकीचे मारेकरी

माणसांकडून निष्ठूरतेच्या
हद्दी ओलांडल्या गेल्यात
गतानुगतिकतेच्या भावना
माणसांतुन कोलांडल्या गेल्यात

इथे माणूसकीचे मारेकरी
मना-मनात जागत आहेत
माणसांशी वागताना माणसं
माणसांप्रमाणे ना वागत आहेत

विशाल मस्के
सौताडा, पाटोदा, बीड.
मो.९७३०५७३७८३

स्रीयांची सुरक्षितता,...?

नराधमी मनात अजुनही
वासनांध वासना आहेत
स्रीयांवरील अत्याचाराच्या
रोज वाढत्या घटना आहेत

प्रगतशील भारत आपला
महासत्तेच्या मोक्यात आहे
स्रीयांची सुरक्षितता मात्र
अजुनही धोक्याक आहे

विशाल मस्के
सौताडा, पाटोदा, बीड.
मो.९७३०५७३७८३

फसले रे,...

कुणी सहजा-सहजी फसले
तर कुणी मुश्किलीनं फसले
कुणी टिचक्या मारून फसले
तर कुणी मिश्किलीनं फसले

मात्र या फसवा-फसवीत
कुणाच्या सतर्कतेचे गुण दिसले
अन् कुणीही न फसविल्याने
कुणी सतर्कता बाळगुन फसले

विशाल मस्के
सौताडा, पाटोदा, बीड.
मो.९७३०५७३७८३

फेकू दिनाचे आयडॉल,...!

फसवणारे फसवत गेले
फसणारेही फसत गेले
करकरीत सत्य सुध्दा
कुणाला फेकू भासत गेले

प्रत्येकाच्याच मना-मनात
फसवा-फसवीचे स्टॉल झाले
तर कुणी-कुणी फेकू दिनाचे
इथे चक्क आयडॉल झाले

विशाल मस्के
सौताडा, पाटोदा, बीड.
मो.९७३०५७३७८३