लेखन

येईन नक्की कधीतरी...

Submitted by मुग्धमानसी on 14 January, 2015 - 06:05

येईन नक्की कधीतरी
त्याच गल्लीपाशी परत
तोच कट्टा, तोच पार..
’त्या’च मला गोळा करत!

टेकेन जरा अलगद तिथे
हळूच घेईन भरपूर श्वास
माती ओढेन छातीत जरा
पेरीन म्हणते नवीन भास!

इथेच सांडले होते माझे
चिल्लर काही पैसे सुटे
तेंव्हापासून शोधते आहे
ऐहिक माझे गेले कुठे?

’धावून धावून दमेन तेंव्हा
फिरून येईन पुन्हा इथे’
दिला होता शब्द तुला
आठवत असते अधे-मधे...

वाट बघत माझी तसाच
थांबून असशील का रे अजून?
झेलत प्रत्येक संध्याकाळ...
रिचवत सगळे उनाड ऊन...?

ओळखशील ना मला सख्या?
मी... तुझी... ती... असो, जाऊदे!
नाव - रुप नव्हतेच तसेही...
तुला मला अनभिज्ञ राहूदे!

शब्दखुणा: 

पैज!

Submitted by झुलेलाल on 14 January, 2015 - 03:51

पैज!
तुम्ही कधी पैज लावली आहे?
कधी पैज जिंकली आहे? कधी हरला आहात?
पैजेची एक गंमत असते. पण ती नंतर सांगतो.
अनेकांना, पैजेवर बोलण्याची हौस असते. काहीजण तर पैज लावूनच पुढे बोलतात.
हा वर्ग स्वत:विषयी प्रचंड आत्मविश्वासाने वावरत असतो. आपल्याला एखादी गोष्ट माहीत नाही, असे मानायला सहसा हा वर्ग तयार नसतो.
किंवा कोणत्याही मुद्द्यावर, आपला शब्द हा अंतिम शब्द अशी त्याची समजूत असते.
अनेकदा इतरांच्या अद्न्यानाबाबतच्या कणवेचे भाव चेहऱ्यावर वागवतच हा वर्ग वावरत असतो.
त्यांच्या दृष्टीने त्याचा एक फायदा असतो.

"हर मोडपें दिल घबरायें.. सजना तेरे बिना.."

Submitted by अनुराधा म्हापणकर on 13 January, 2015 - 06:20

परवाच कुठूनतरी रिक्षातून घरी परतत होते. बोरिवली स्टेशनच्या ट्राफिकमधे कुठल्याही वेळी साधं चालायलाही नको इतकी गर्दी असते. चालणारा माणूस मागून येऊन पुढे निघून जाईल इतक्या संथगतीने वाट काढत माझी रिक्षा इंच इंचभर पुढे सरकत होती. पण तरीही आजूबाजूची दुकानं, रस्त्यावरचे असंख्य फेरीवाले, त्यांच्याकडची रसरशीत फळं, रंगीत फुलं, हिरव्यागार भाज्या, फुलांचे भरगच्च हार, गजरे, चादरी, साडी कव्हर्स, सोफा कव्हर्स, पर्सेस, पाऊच्स, ड्रेसेस काय नी काय बघण्यात माझं स्त्री सुलभ मन नेहमी प्रमाणेच गुंतलं होतं. चालत दोन-पाच मिनिटांइतक्या अंतरावर रिक्षाचं मीटर कधी दोनदा पुढे सरकलं तेही मला लक्षात आलं नाही.

विषय: 

आमच्या मुलींचे पालक ( इथे पुन्हा टाईप केलेले. लिंक नव्हे)

Submitted by स्वीट टॉकर on 13 January, 2015 - 05:47

आमच्या घरी हॉलमध्ये बर्‍यापैकी मोठ्या साइझचा एक फोटो आहे. मी, माझी पत्नी शुभदा आणि तिच्या हातात आठ महिन्यांची आमची कन्या पुनव. मूळ फोटो पंचवीस वर्षें जुना. एकदम ordinary.

आमची एक मानसकन्या देखील आहे. तिचं नाव दीपाली. तिच्याकडे हा जुना छोटासा धूसर फोटो होता. फोटोशॉप सॉफ्टवेअरची उत्तम माहिती आणि बरीच मेहनत यांच्या जोरावर तिनी या फोटोला नवजीवन दिलं, एनलार्ज केला, चांगल्या फ्रेममध्ये लावून एक महिन्यापूर्वी आम्हाला भेट दिला. अर्थातच आम्ही कौतुकानी तो हॉलमध्ये टेबलावर ठेवला.

आता उत्तरार्ध.

कार्टून्स आणि कॉमिक्स

Submitted by बावरा मन on 9 January, 2015 - 00:29

… १९९२ साल . बोलता बोलता शेजारचा नित्या मला म्हणाला ," काय येत तुमच्या सुपर कमांडो ध्रुव ला . आमचा नागराज विषारी फुंकर मारून दोन मिनिट मध्ये आडवा करेल त्याला ." मला पण चेव चढला . मी पण नागराज कसा घाणेरडा आहे हे सांगून तिथल्या तिथे परतफेड केली . शब्दाने शब्द वाढत गेला . बोलचाल बंद झाली . राज कॉमिक्स चे नागराज , परमाणु , डोगा हे कॉमिक्स नायक जाम प्रसिद्ध होते . पोरांनी आपले आपले हिरो निवडले होते . कंपू तयार झाले होते . दुसऱ्या नायकाचा चाहता हा शत्रू पक्षातला होता . नंतर मी गावातून बाहेर पडलो . नित्याशि संबंध संपला .

The Romanov Sisters - हरवलेल्या जीवनाची कहाणी

Submitted by वेदिका२१ on 7 January, 2015 - 00:28

इंग्लंडची राणी व्हिक्टोरिया हिने १८३७ ते १९०१ या काळात इंग्लंडवर (आणि भारतावरही!) राज्य केलं. मुंबईतील व्ही.टी. स्टेशन - व्हिक्टोरिया टर्मिनस (आताचं छत्रपती शिवाजी महाराज टर्मिनस), कलकत्याचं व्हिक्टोरिया मेमोरियल आदी वास्तूंना याच व्हिक्टोरियाचं नाव दिलं गेलं होतं. या व्हिक्टोरियाने आपल्या मुलानातवंडांची लग्नं युरोपातील विविध राजघराण्यात लावून दिली. म्हणूनच तिला ’युरोपची आजी’ (Grandmother of Europe) असंही म्हणतात.

खारघरटोल नाका बायपास करण्याचा मार्ग......

Submitted by अमोल केळकर on 6 January, 2015 - 00:05

सत्तेत आल्यावर आम्ही टोल बंद करू , खारघर टोल नाका कदापि चालू होऊ देणार नाही इ . आश्वासने देऊन निवडून आलेल्या भाजपा ( सेना ) सरकारने आज अखेर खारघर टोल नाका चालू केला . टोलनाक्याच्या पलीकडील ५ गावाना ( पनवेल, कळंबोली, कामोठे, कोपरा , खारघर ) सूट मिळणार असे कळते . मग अलीकडील गावाना ( सीबीडी, नेरूळ , उलवे) सूट का नाही दिली जाणार हा अनुत्तरीत प्रश्ण . असो आम्ही स्वत: सीबीडी बेलापूरला रहात असल्याने , आमच्या दृष्टीने हा टोल कसा बायपास करता येईल याचा विचार करता काही नवीन मार्ग सुचला तो असा .
खारघरटोल नाका बायपास करण्याचा मार्ग …….

१) पुणे / पनवेल कडे जाणा-यांसाठी ……

विषय: 
शब्दखुणा: 

व्यथा

Submitted by _हर्षद_ on 5 January, 2015 - 07:32

तासाभरात गावाचा काश्मिर झाला
हातभर गारांचा सडा पडला
साहेब गाडीत बसुन आला
शेतात फिरता फिरता घामान निथळला
आन म्हणाला
" कसल ओसाड वाटतय ना ?????"
त्याला कस , अन कोण सांगणार
काल झाडाच पान न पान लढल
आता तर
झाडाच मुळपण गोठल

नक्षत्रापार नक्षत्र सरली
भुई कोरडी ठाक राहीली
हिम्मत नाय हारली
उसणवारीची धुळपेर केली
पालवी नाय त नायच फुटली
साहेब गाडीतच बसला
शेतात न फिरताच म्हणाला
" बाहेर फारच उकडत नाही?????"
त्याला कस , अन कोण सांगणार
पाउस इकड यायचाच विसरला
आता तर
सगळ काही सुकल

भर श्रावणातच अत्यावश्यकची संक्रांत आली
उरली सुरली हिम्मत गणपती बाप्पान सोबत नेली

विषय: 
शब्दखुणा: 

सबलीकरण

Submitted by आतिवास on 5 January, 2015 - 02:47

पुरुष माणसं मीटिंगमध्ये हजर असताना त्या खुर्चीत बसू शकत नाहीत, मी मात्र बसू शकते.
मी महागडे कपडे वापरू शकते, त्या नाही वापरु शकत.
मी चारचाकीने प्रवास करू शकते, त्या कधीच चारचाकीत बसलेल्या नाहीत.
मी डिजीटल कॅमे-याने फोटो काढू शकते, त्यांनी कधीच फोटो काढलेला नाही.
मी वेगवेगळ्या राज्यांत प्रवास करते, त्यांच्यापैकी अनेकींनी शेजारचा तालुकाही पाहिलेला नाही.
माझ्याकडे मोबाईल फोन आहे, त्यांच्याकडे तो नाही.
मी वाचू शकते,लिहू शकते – त्या शाळेत गेलेल्या नाहीत.
मी माझ्या इच्छेने मला हवे तेव्हा आणि मला पाहिजे तितके पैसे खर्च करू शकते; त्यांना अशी चैन करता येत नाही.

हिंदी चित्रपटगीतांवरील विडंबन काव्य हवे आहे. Urgently !

Submitted by स्वीट टॉकर on 31 December, 2014 - 03:03

आमच्या मरीन इंजिनियरिंग कॉलेजच्या गॅदरिंगमध्ये प्रोफेसरमंडळी काहीही सादर करायला कचरतात. (यात 'मरीन' हा शब्द इंग्रजी वाचावा. मराठी नव्हे.) लोक हसतील की काय असं वाटत असावं. ते बदलण्याचा मी आणि माझी पत्नी शुभदा प्रयत्न करंत आहो त. गेल्या वर्षी आम्ही जे सादर केलं होतं ते आता यू ट्यूबवर अपलोड केलेलं आहे. त्याची लिंक आता माझ्याकडे नाही पण एक दिवसात माबोवर टाकीनच.

मात्र या वर्षीसाठी आम्हाला हिंदी चित्रपट गीतांवर केलेले विडंबन काव्य हवे आहे. नेटवर शोधले पण मिळाले नाही. वेळ कमी आहे. प्लीज कोणीतरी लवकर सांगा.

Pages

Subscribe to RSS - लेखन