लेखन

कायापालट स्पर्धा "कविता" प्रवेशिका २ : यमकांचं गमक - mkarnik

Submitted by संयोजक on 26 August, 2009 - 20:55

प्रवेशिका २ : यमकांचं गमक

मूळ कविता : कविता

ना सुचूनही लिहिलेल्या त्या कविता,
खोडूनही ना फाटेल असा तो कागद,
फिरफिरून तासली तरि नाही जी झिजली
ती पेन्सिलही नि:शब्द अशी पडलेली.
जेव्हा….
तारीख दिलेली उलटुन गेलि असेल
तेव्हा त्या कागदावर….
काव्यप्रसववेदनांचे वांझोटे बिंब पडेल
अन् त्यातूनच मग वाचू शकेल वाचक
मज कधी न जमलेल्या यमकांचे गमक

कायापालट स्पर्धा "रंग नभाचे" प्रवेशिका ६ : मुख्य पाहुण्यांचे भाषण - mkarnik

Submitted by संयोजक on 26 August, 2009 - 20:44

प्रवेशिका ६ : मुख्य पाहुण्यांचे भाषण

मूळ गझल : रंग नभाचे - कवी वैभव जोशी

रंग सभेचे क्षणाक्षणाला बदलत होते
सभाध्यक्ष अस्वस्थ असावे समजत होते

हे काय अचानक मुख्य पाहुण्या झाले आहे?
जे भांग चढवल्यापरी कसेही बरळत होते

याचीच लोक किति करीत होते चर्चा तेथे
कोणालाही न कुणाचे म्हणणे उमगत होते

पाहुणे पाजळत होते अक्कल आपली सारी
’भगिनींनो’ मधल्या ’भ’ वर टिंब उठवत होते

पहिल्या धारेची दारू रात्री कडकच होती
साध्या शब्दांवरही म्हणुनच अडकत होते

नव्हते झालेले पाठ तयांचे भाषण म्हणुनी

मंडळ - भाग २

Submitted by हायझेनबर्ग on 25 August, 2009 - 23:56

धुमसत्या युद्धभुमीवर, मांडीत रूतलेल्या बाणाची जखम भळभळत असतांना एखाद्या अज्ञात दिशेने कुठल्यातरी धूसर आशेवर निग्रहाने खुरडत खुरडत रांगणार्‍या जखमी सैनिकासारखा पाय उचलत तो मंडळाकडे चालत होता. तिरवड्याहून परतल्यापासून भयंकर त्रासदायक कल्पना आणि प्रश्न मनात, समुद्रात उठणार्‍या वावटळीसारखे थैमान घालत होते. प्रश्नांच्या उंचचउंच लाटा आणि उत्तरांचे भोवरे, फक्त एकातून दुसर्‍यात अडकत रहाणे, सुटका नाहीच.

कायापालट स्पर्धा "रंग नभाचे" प्रवेशिका ५ : गुलमोहोर - tanyabedekar

Submitted by संयोजक on 25 August, 2009 - 12:06

प्रवेशिका ५ : गुलमोहोर

मूळ गझल : रंग नभाचे - कवी वैभव जोशी

रुप माबोचे वर्षावर्षाला बदलत होते
कुणीतरी जुने असावे, नवे असे हे समजत होते

आज अचानक इथे मिळेना प्रतिसाद जनाचा
ह्याच चित्राला काल तिथे पण भरगोस होते

कशास होती सुरु तिथे ती चर्चा नक्की
बघाता बघता सगळेच काही(तरी) बरळत होते

मी काही ठरवून कंपूंना जूडत नाही
जे होते ते उपेक्षितांचे अंतरंग होते

प्रतिसादाचा रोख टिकेचा असेल तर मग
'वा, वा छान छान'चेही बहरात शिकरण होते

असेच हळवे उत्कट होते काव्य कालचे
जुळवत होते, पाडत होते.. पण यमकत नव्हते

कायापालट स्पर्धा "रंग नभाचे" प्रवेशिका ४ : रंग मत्सराचे - girish kulkarni

Submitted by संयोजक on 25 August, 2009 - 11:58

प्रवेशिका ४ : रंग मत्सराचे

मूळ गझल : रंग नभाचे - कवी वैभव जोशी

रंगढंग रोज तुझे नव-नवे बरसत होते
मत्सराचे आम्लपित्त असावे...समजत होते

का हा अचानक उलटे उसासे सोडू लागला
का त्याला रदीफ्-काफीया एव्हढेच अवगत होते?

त्याचा राग होता कशावर कोठे काही कळेना
त्याचे ताळतंत्र सुटले यावर मात्र सार्वमत होते

तो स्वताला यौवनाचा जालीम जाणकार म्हणवतो
घरच्या घरीच हाय त्याची केव्हढी फसगत होते

त्याचे विचारणे-बोलणे-लिहीणे बेलगाम इतके
साध्या सौजन्याचीही चटकन केव्हढी फारकत होते

बरे झाले त्याचा कुठेही संचार मोजकाच असतो

कायापालट स्पर्धा "रंग नभाचे" प्रवेशिका ३

Submitted by संयोजक on 25 August, 2009 - 11:53

प्रवेशिका ३

मूळ गझल : रंग नभाचे - कवी वैभव जोशी

घडोघडी अस्वस्थ मी रीफ्रेश मारत होते
काही नवे नाही ..सर्व्हर का निद्रिस्त होते

मायबोलीचीच पहावी का कुंडली कोणी
सगळेच असे का प्रेमकविता पाडत होते ?

कशास होती सुरू तिथे ती चर्चा नक्की?
कुडमुडे व्यासंगी धबाबा पोस्टत होते

खरेच का कळती कविता यांना
वाहवा! जे नित्यही म्हणत होते

कितीक परोपकारी शंकासूर येथे
मित्र मैत्रिणींच्या अडचणी विचारत होते

वैभवा तुझ्यासारखे कवी क्वचितच नशिबी
बरेचसे बिचारे! कळत नव्हते, बरळत होते

सुरेख तुझी ही गजल पाहता

चित्रातल्या गोष्टी स्पर्धा प्रवेशिका क्र. १ : दिसते तसे नसते - slarti

Submitted by संयोजक on 25 August, 2009 - 11:42

चित्र क्रमांक २

LL2.jpg
दिसते तसे नसते

भीम : दुश्या, हे चालणार नाही, सांगून ठेवतोय.
दु:शासन : अरे हट ! तुला खेळता येत नाही तर रडू नकोस. रड्या लेकाचा !
भीम (दुश्याची गचांडी धरायला पुढे जात) : दुश्या, आता फार झालं हां. घालू का ही गदा डोक्यात ?

तेवढ्यात दुर्योधन येतो आणि मध्ये पडतो.

दुर्योधन : अरे अरे, काय चालले आहे ?

कायापालट स्पर्धा "रंग नभाचे" प्रवेशिका २ : फसगत - sharadpatil

Submitted by संयोजक on 24 August, 2009 - 10:22

प्रवेशिका २ : फसगत

मूळ गझल : रंग नभाचे - कवी वैभव जोशी

सत्तेच्या धुंदीत नको ते बरळत होते..
आपण जनतेचे सेवक हे विसरत होते!

झुंडीपुढती नमते घेती का सरकारे?
इतिहासाचे धडे पुन्हा का बदलत होते?

वर्तमानपत्रात धुमाळी अपशब्दांची,
निवडणुकांची नांदी झाली... समजत होते!

थंडपणाचा आव आणती षंढ माणसे,
कधीतरी पण रक्त तयांचे उसळत होते!

तुझी करावी स्तुती असे वाटलेच नव्हते
जे होते ते माझ्या हातुन नकळत होते!

|| ॐ गं गणपतये नम: ||

Submitted by पल्ली on 21 August, 2009 - 17:41

चित्रातल्या गोष्टी अर्थात लघुलेखन स्पर्धा!!

Submitted by संयोजक on 21 August, 2009 - 11:56
जेव्हा आपण एखादं छायाचित्र बघतो, त्यामागची पार्श्वभूमी/प्रसंग कधी माहित असते तर कधी नसते... कधी आपण एखादा क्षण थांबून ती घटना, त्यातल्या व्यक्ती, त्यांचे संवाद आठवायचा प्रयत्न करतो... कधी कधी तर प्रसंग अगदी पूर्ण माहिती असूनही काही कल्पना लढवत छायाचित्रांमधल्या व्यक्तींच्या तोंडी संवाद घालायचा प्रयत्न करतो आणि घडलेला किंवा अगदी न घडलेला तो संवाद "आठवून" नकळत एक स्मित तरळते...
चला तर मग मंडळी हाच खेळ खेळूया आपण!!

चित्रातल्या गोष्टी अर्थात लघुलेखन स्पर्धा

-------------------------------------------------------------------------------------- स्पर्धेचे नियम :
१. ह्यात ज्या प्रसंगामुळे हे छायाचित्र आहे, तो प्रसंग न लिहीता दुसरा काल्पनिक प्रसंग खुलवायचा आहे.(उदा: हिलरी व आमिर सेंट झेविअर्सला शिक्षणाशी संबंधीत परिसंवादासाठी एकत्र आले होते.)
२. छायाचित्रांमधील व्यक्तींच्या तोंडी संवाद आलेच पाहीजे. नुसतेच स्वगत नको.
३. लेखनात छायाचित्रामधील प्रसंगाचा उल्लेख आला पाहीजे.
४. लेखाला शीर्षक देणे अपेक्षित आहे.
३. लेखनासाठी शब्दमर्यादा किमान २०० शब्द ते कमाल १००० शब्द आहे.
४. स्पर्धेसाठी एका आयडीला एका फोटोवर एकच प्रवेशिका देता येईल.
५. विजेता मतदान पध्दतीने निवडला जाईल.
--------------------------------------------------------------------------------------
चित्र क्रमांक १ :
SRK & Sourav.jpg
चित्र क्रमांक २ :
LL2.jpg
चित्र क्रमांक ३ :
hilary-clinton-aamir1.jpg
--------------------------------------------------------------------------------------
स्पर्धेसाठी प्रवेशिका पाठवताना :
१. स्पर्धेसाठी प्रवेशिका पाठवताना ती गणेशोत्सवाच्या संयोजकांना sanyojak@maayboli.com ह्या पत्त्यावर इ मेल करून पाठवणे अपेक्षित आहे.
२. तसेच इमेल पाठवताना Laghu lekhan spardha असे सब्जेक्ट मधे लिहावे. (एक नम्र सूचना : सब्जेक्ट इथूनच कॉपी-पेस्ट करावे.)
३. स्पर्धेसाठी प्रवेशिका पाठवताना प्रवेशिकेसोबतच मायबोली आयडी आणि प्रवेशिकेला शीर्षक देणे बंधनकारक आहे. एक आयडी प्रत्येक चित्रासाठी एक प्रवेशिका पाठवू शकतो. प्रवेशिकेसोबत चित्राचा क्रमांकही लिहावा.
४. प्रवेशिका संयोजकांना इ-मेल केल्यानंतर संयोजकांना २४ तासांची मुदत द्यावी. २४ तासांनंतरही तुमची प्रवेशिका दिसत नसेल तर संयोजकांना इ-मेल करावी.
--------------------------------------------------------------------------------------
मायबोलीकरांकडून आलेल्या सूचनेनुसार ह्या वर्षी स्पर्धांच्या निकाल जाहिर होईपर्यंत स्पर्धकांचे नाव जाहिर केले जाणार नाहिये. मतदान निनावी (anonymous) पध्दतीने घेतले जाणार आहे. त्यामुळे स्पर्धकांनी त्यांच्या प्रकाशित झालेल्या प्रवेशिकेवर येणार्‍या प्रतिसादांना, निकाल जाहीर होईपर्यंत कुठल्याही माध्यमात (प्रतिक्रिया, विचारपुस, वाहत्या बातमी फलकांवरच्या गप्पा इत्यादी ) उत्तर देऊ नये. स्पर्धकांकडून (अनवधानानेसुद्धा) त्यांची ओळख उघड झाल्यास ती प्रवेशिका स्पर्धेसाठी ग्राह्य धरली जाणार नाही ह्याची नोंद घ्यावी.
-------------------------------------------------------------------------------------- आलेल्या प्रवेशिका:

Subscribe to RSS - लेखन