लेखन

श्रावणशीळ

शीळ घालितो सुसाट वारा, वेळूच्या बनाबनातून
जणू घुमतो कृष्ण पावा, गोपींच्या मनामनातून

लता वेली गुंग नाचण्या, शीळेच्या मंद तालावर
बासरीचे स्वरतरंग उठती, यमुनेच्या शांत जलावर

नर्तन करती श्रावण सरी, पिसाट वाऱ्याच्या सुरावरी
रानोरानी शीळ घालती, धुंद नर्तकीच्या घुंगरा परी

शीळ ऐकून जणु प्रकटले, इंद्रधनु ते निळ्या अंबरी
मोरपीस जसे खोवले, घननिळ्या कन्हैयाच्या शिरी

शीळेचे असे हे गारुड भारी, अनुभवावे एकदा तरी
आनंदे नित शीळ घालावी,उदास हृदयी प्रीत पेरावी

भाग १ वाचण्यासाठी येथे टिचकी मारा : https://www.maayboli.com/node/66728
भाग २ वाचण्यासाठी येथे टिचकी मारा : https://www.maayboli.com/node/66880
-----------------------------------------------------------------------------------------------------------
हा भाग टाकण्यास बराच उशीर झाला. त्याबद्दल दिलगीर आहे.
--------------------------------------------------------------------------------------------------------

[या लेखा मधे कोणाच्याही भावना दुखवण्याचा उद्देश नसून केवळ विनोद निर्मीती हा प्रामाणिक प्रयत्न आहे. त्यातून जर कोणाच्या भावना दुखल्याच तर दुखू देत निवांत!]

“दहीहंडी”
शब्दरचना:- महेश घाणेकर/तुषार खांबल
काल रक्षाबंधनानिम्मित बहिणीकडे गेलो होतो. सोसायटीच्या आवारात १५-२० लहान मुले दहीहंडीचा सराव करताना दिसली. त्यांच्या एकंदरीत हावभावावरून हा सण कसा करायचा याबाबत चिंतातुर असावे असं वाटत होत.
त्यांच्याच दुसऱ्या बाजूला त्या सोसाटीमधील काही जेष्ठ (३५ ते ४५ वयोगटातल्या) व्यक्ती बसलेल्या होत्या. आम्ही असताना कसे सर्व छान चालायचं, कसे सण साजरे होत असत, आम्ही कसे थर लावायचो यावर फुशारक्या मारत बसले होते.

मोबाईल नंतर वाचा. . .
______________________________________________________________________________________________________________________
(पुस्तक नंतर वाचा" च्या धर्तीवर आजच्या काळाला अनुसरुन "मोबाईल नंतर वाचा/खेळा" अशी एक नाटिका दोन वर्षापुर्वी बसवली होती. सर्व बालकलाकार परदेशीस्थित असल्याने साधी सोपी वाक्ये ठेवण्याचा प्रयत्न केला होता. नाटिकेसाठी लागणारी ऑडिओ क्लिप्स, उद्घोषणा, पार्श्वसंगीत मी स्वतःच दिले होते. यातील गाण्यात देखिल "मोबाइल नंतर खेळा" असा बदल करुन घेतला होता)

रक्षा बंधन

बंधन आज कुणा न उरले
रक्षा कुणाची करावी कुणी?

आज बंधूंनो रक्षाबंधन
भावाने करावे बहिणीला वंदन
कुणाची रक्षा कुणाचे बंधन?
हजारो भावांचे पशुंचे वर्तन

हजारो बहिणींवर करती बलात्कार
त्यासाठी करावे का भावांचे सत्कार?
तीही बहीण कुण्या भावाची अभागी
मीही असेन कधी त्या जागी
बघ तिच्या डोळ्यात एकदा
तेच शरीर तीच माया
नाही का दिसत बहिणीची छाया

द्रौपदीच्या एका चिंधीसाठी
कृष्ण पुरवितो वस्रांच्या गाठी
लाज राखण्या प्रिय बहिणीची
धावून येई बघ जगजेठी

दोन्ही बाजुला असलेल्या दाट वनराईतुन गाडी वाट काढत निघत होती. हिरवीगार झाडी , त्यातुन हळुवार डोकावणारी रंगीबेरंगी रानफुले ! जग इतके सुंदर ,निरागस देखील असु शकते , खिडकीतुन बाहेर डोकावणार्‍या शेखरच्या मनात बाहेरचे दृश्य पाहुन विचार डोकावला. आणि तसा विचार त्याच्या डोक्यात आला नसता तर नवल , सतत घाईत असणार्‍या मुंबापुरीत त्याचे जन्मापासुनचे नाते, आणि त्यात तो मेडियाच्या लाइन मधे शिरला , नेहमी ब्रेकींग न्युजचा पाठलाग करत मुंबईची झोपडपट्टी असो वा पेज थ्री पार्टी त्याने सगळी मुंबई पालथी टाकलेली पण असा निसर्ग आज पहिल्यांदा तोही साक्षात पाहात होता .

असं म्हणतात की जेव्हा एखादी मुलगी लग्न होऊन तिच्या सासरी जाते तेव्हा बरंच काही माहेरी सोडून जाते...तिच्या स्वभावातला बालिशपणा, तिच्या बर्याचश्या सवयी वगैरे वगैरे!

माझ्या लग्नानंतर देखील माझं काही बाही माझ्या माहेरी राहून गेलं.. (माझा बालिशपणा मात्र मी बरोबर घेऊन आले....असं मी नाही तर माझ्या आजूबाजूचे लोक म्हणतात!)

पण त्याबद्दल मला कधीच खंत नाही वाटली, कारण मागे राहिलेल्या पेक्षा मला जे काही नवीन गवसलं ते ही माझ्यासाठी तितकच महत्वाचं होतं.

पुण्याच्या वाहतूकीवर मी नव्यानं काही लिहावं असं काही शिल्लक नाही. पुलं पासून ते दै संध्यानंदच्या वार्ताहरा पर्यंत प्रत्येकाने पुण्यातील रस्त्यांचा व वाहतुकीचा यथेच्छ समाचार घेतलेला आहे. माझ्या पुण्य नगरीतील वास्तव्यात तीच वाहतूक माझ्या आयुष्याची अविभाज्य घटक होती. तिच्या आठवणी माझ्या शब्दातून सुटणं हा माझ्यावर अन्याय होऊ शकेल याचसाठी गुरूवर्य पुलंना सविनय अभिवादन करून हा एक छोटासा प्रयत्न.

अजरामर कविता लिहून कवितांबरोबरच लेवा गणबोलीला सुद्धा खऱ्या अर्थाने समृद्ध करणाऱ्या *निसर्ग कन्या "बहिणाबाई चौधरी" यांची आज १३८ वी जयंती* त्या निमित्त बहिणाबाईंना माझी लेवा गणबोलीत काव्यांजली -

बहिणाई

माय बहिणाई बहिणाई
समद्या खानदेशाची आई
डोयामंधी समद्यायच्या
दिशे वं गह्यरी नवलाई

सादा सबूद तुह्या हाती
व्हतो अनमोल मोती
सब्दायचेबी ह्ये पाखरं
जिनगानीचं गानं गाती

वावरात डोले पिक
तुह्यासंग गानं गाती
पानाफुलायशी तुही
जमली व नाती गोती