जगणे कठीण होता..
Submitted by स्वाकु on 24 February, 2014 - 01:33
जगणे कठीण होता माझ्याच प्रेषिताचे
गेले चुकून ठोके माझ्याच काळजाचे
मी एकटाच होतो कोणी न ओळखीचे
सांगू कसा कुणाला ऐकू अता कुणाचे
नाहीस तू तरीही होतात भास वेडे
हे कोणते कवडसे माझ्याच या मनाचे
मरणे अखेर माझे वाटे हवेहवेसे
पण टाळता न आले मज खेळ जीवनाचे
झिडकारले जगाला सोडून श्वास माझे
केले मला हवे ते ऐकून त्या जगाचे
---
विषय:
शब्दखुणा: