मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
ओळख अंतरीची
Submitted by रानभुली on 23 April, 2021 - 15:54
माझ्या जखमांवर
तू फुंकर मारताना
जाणला मी श्वास हा
तुझा घाव घालताना
ना हे घर माझे
ना ते घर तुझे
करार पाळला जुल्मी
मी सोबत संभाळताना
बत्ती मी पाघळणारी
अस्तित्त्व शोधू कोठे
भाव विहीन ही नाती
मेणात वितळतांना
ज्या समयी दिवा बीजाला
लावून आक्रंदत होते
छाया झाल्या गं वैरी
माझे चित्त जाळतांना
खोल अंतरीची ही
ओळख पटे गगनाला
हुंकार घुमे गाभ्याशी
निघे ज्योत पैलतीराला
- रानभुली
२४/४/२०२१
विषय:
