मी एक सामान्य माणूस

मी एक सामान्य माणूस !

मांजरीला कधी आडवा जात नाही,
तिचा दिवस खराब जायचा.

मी एक सामान्य माणूस !
अमावास्येला दारावर लिंबू बांधतो. इडापिडा घरात कधी येत नाही.
मला ती बाहेरच्या बाहेर पिडते.घरात घरातली पिडा पिडते.

मी एक सामान्य माणूस !
अन्यायाला वाचा फोडण्यासाठी तोंड उघडतो, तर वाचाच गेलेली असते.
दात ओठ चावायला जातो, तर दात खीळ ही बसते.

मी एक सामान्य माणूस !
कुणीही येऊन मला फसवून जाव.
एक निर्धार मात्र करतो. पुढच्या वेळी तसच फसायचं नाही.
फसविणारा प्रत्येक चेहरा ओळखीचा असतो.
कधीकधी तो माझाच असतो. तरीही मी फसतो.

मी एक सामान्य माणूस !
खिशात पैसे नसले तर, दुकानाकडे बघतही नाही.