जुनाच पाऊस

जुनाच पाऊस, जुनाच तू,तरी..

नील लहरीतून चमचमणारी
स्वर्णिम पखरण किरणफुलांची
काळवंडली, निळ्या नभावर
दाटी ज्येष्ठातील मेघांची

''रेशीमकुरळ्या घनावळी या
निळ्यासावळ्या तुझ्या मुखावर''
जसे वाटले तसे म्हणू मी ?
दबलेले हसशील का त्यावर ?

''नवे काही तू तरी बोल ना
नित्य जसा मी नवाच असतो
नव्या रसाने मोहळलेल्या
नित्य नवीन क्षणात विलसतो''

कळते आहे रे युगे लोटली
गोपगोपींना, त्या राधेला
नेमाने ऋतुचक्रे फिरली
भ्रमवत रमवत वसुंधरेला

चक्रे यंत्रांची गिरण्यांची
शास्त्रार्थांची संगणकांची
आकलनाची आस्वादाची
अन भयचक्रे विनाशकांची

वेगळ्याच ढंगात उमटल्या