शेती

पैशांमुळे

पैशापुढे झूकतात लोक
पैशांमुळे ठकतात लोक
पैशांसाठी तर कधी कधी
माणसांनाही विकतात लोक

पैश्यांचा वापर करूनच
लोक नको तसे वागतात
मात्र पैशांविनाही कित्तेक
इथे मरण यातना भोगतात

विशाल मस्के
सौताडा,पाटोदा,बीड.
मो.९७३०५७३७८३

दुसरे अ.भा.मराठी शेतकरी साहित्य संमेलन नागपुरात
संमेलनाध्यक्षपदी ज्येष्ठ साहित्यिक रा.रं.बोराडे यांची निवड

आमचे संविधान

स्वातंत्र्य समता बंधुत्वाचा
चरा-चरात मिळतो मान
अभिव्यक्ती स्वातंत्र्याचा
इथे मिळतो हो बहूमान

धर्मनिरपेक्षता समाजवादी
आहे एकात्मतेचा प्राण
मानवतेच्या कल्याणासाठी
जगात भारी आमचे संविधान

विशाल मस्के
सौताडा,पाटोदा,बीड.
मो.९७३०५७३७८३

लवकरच येत आहे… माझी पी. एच. डी. - उवा आणि मानवी उत्क्रांती...

आमचे गाईड -आमचा न्हावी
पृथ्वीच्या पाठीवर न्हाव्याचा जेवढा संबंध डोक्याशी (दुसर्याच्या) येतो तेवढा क्वचितच कुणाचा येत असावा. असा डोकेबाज माणूस माझा गाईड असावा हा तर दुग्ध शर्करा योग. त्याच न्यायाने जी जमातच मुळात डोक्यावर राहते ती तर किती डोकेबाज असेल विचार करा.….

पावसामुळे

इकडे आला तिकडे आला
त्याचा बोलबाला झाला
करपलेला-भेगाळलेला
सारा शिवार झाला ओला

फक्त शेतातल्याच भेगा नाही
मनाच्या भेगाही बुजल्या जातील
थेंब-थेंब पडल्या पावसामुळे
उत्कर्षाच्या राशी सजल्या जातील

विशाल मस्के
सौताडा,पाटोदा,बीड.
मो.९७३०५७३७८३

निसर्ग कृपाळला

त्यांनी जे जे केले काल
आज सारे स्मरून आले
पाहणी करण्या आले होते
मात्र पळणी करून गेले

त्यांचे दौरे आले,गेले
मदतीचा मुद्दा ढेपाळला
पथकाने केला काना डोळा
पण निसर्ग मात्र कृपाळला

विशाल मस्के
सौताडा,पाटोदा,बीड.
मो.९७३०५७३७८३

दुष्काळी पळणी

दूष्काळ पाहणी करण्यासाठी
केंद्रातुनही पथक येतात
पाहणी सोडून पळणी करतात
तेव्हा आशा निरर्थक जातात

पळत पळत दौरा सारा
दूष्काळ पहायला वेळ नाही
सांगा त्यांना दूष्काळ म्हणजे
तुमच्या मनातला खेळ नाही

विशाल मस्के
सौताडा,पाटोदा,बीड.
मो.९७३०५७३७८३

बाजारात

मनसोक्त बाजार करण्याचं
धाडस कमी होऊ लागलं
तांदूळ,डाळ,वाटाण्यासह
टमाटंही भाव खाऊ लागलं

बाजार करणारांपेक्षा हल्ली
बाजार फिरणारे जास्त आहेत
घेणारांची वाट पाहून-पाहून
पालेभाज्या मात्र त्रस्त आहेत

विशाल मस्के
सौताडा,पाटोदा,बीड.
मो.९७३०५७३७८३

शेतकर्‍याचं नशिब

शेतकर्‍याचा कांदा
बाजारात उतरला
तसा कांद्याचा भाव
पटकन घसरला

हे गणित जुनंच
पण पुन्हा घडलं
शेतकर्‍याचं नशिब
वारंवार मोडलं

विशाल मस्के
सौताडा,पाटोदा,बीड.
मो.९७३०५७३७८३

बळीराजा

कधी येणार बळीचं राज्य
सुखही सारं गोठलं आहे
दुष्काळ आणि महागाईनं
वामन होऊन लुटलं आहे

फास घेतोय,विष पेतोय
बळ का गळतंय बळीचं
मरू नको रे बळीराजा
सांगणं हे तळमळीचं

विशाल मस्के
सौताडा,पाटोदा,बीड.
मो. ९७३०५७३७८३