शेती

किंमत

यश प्राप्ती करण्यासाठी
ते सर्वमान्य लुटता आलं
पण ज्याला सोनं म्हटलं
तेच आज आपटा झालं

प्रत्येकाला संधी मिळणे ही
ज्या-त्या वेळची गंमत असते
ज्याची-त्याची,ज्याला-त्याला
त्या-त्या वेळीच किंमत असते

विशाल मस्के
सौताडा, पाटोदा, बीड.
मो.९७३०५७३७८३

चौकशी

विहिरी पासुन शेतापर्यंत
योजना सुध्दा झिरपतात
लाट आली तरी देखील
टिपके-टिपके टिपकतात

नक्की पाणी कुठं मुरतं,.?
कळून देखील दिसत नाही
जिथं मुरतं पाणी तिथे
चौकशी आत घूसत नाही

विशाल मस्के
सौताडा, पाटोदा, बीड.
मो.९७३०५७३७८३

योजना कागदोपत्री

ज्यांनी करायला हवे होते
ते कर्तव्य विसरले जणू
इतके कसे मूर्दाड झाले
अहंकारात घसरले जणू

ज्यांच्यावरती दुष्काळ आहे
ते अजुनही गांजत आहेत
दुष्काळ्यांच्या योजना मात्र
कागदोपत्रीच नांदत आहेत

विशाल मस्के
सौताडा, पाटोदा, बीड.
मो. ९७३०५७३७८३

तर मंडळी, डोळ्यात जरा पेंग याय लागलीय. तरीबी तुमाला सांगतुच.
व्हय, बांधावरच घडलं आसं.
मी दारं धरत बसलू होतू. म्हशी लिंबाखाली बांधल्या व्हत्या. कालवाडाचं दावं जरा लांब ठिवूनच बांधलं व्हतं, न्हायतरं म्हशी त्येला ढोसरतात.
रानात चिटपाखरु नव्हतं. ह्यो ऊनाचा कार.

तेवढ्यात लाईट गीली. कटाळा करत उठलू, आन हीरीवर मोटर चालु कराय चाललू.
जाताना वाटत शितली दिसली.बहुतेक खुरपाय चालली व्हती. घट्ट साडी नेसली व्हती, आंग कसं एकदम भरल्यालं वाटत हुतं. सरळ माझ्याकडचं येत चालली.
"कारं राजाभाव हीरीवर चालला व्हय?" हातातलं खुरपं डोक्यावर धरत तिनं ईचारलं.

तुर डाळ

पिकवणारे ठकलेत जणू
विकणारांचे फावले आहे
घरच्या मुर्गी पेक्षा जास्त
डाळीचे भाव धावले आहे

जुने अंदाज घेऊन-घेऊन
कुणी आता फसू लागेल
अन् रोजच्या जेवनात म्हणे
तुरडाळ तुरळक दिसु लागेल

विशाल मस्के
सौताडा, पाटोदा, बीड.
मो. ९७३०५७३७८३

शेतकर्‍याचं जीणं

पाऊस नाही पडला तर
आत्महत्येनं मरतो आहे
तर पडत्या पावसात कधी
निसर्ग हत्या करतो आहे

का शेतकर्‍यांच्या नशिबी
हे संकटांचंच ठाणं आहे,.?
इकडे आड,तिकडे विहिर
हेच शेतकर्‍याचं जीणं आहे

विशाल मस्के
सौताडा, पाटोदा, बीड.
मो. ९७३०५७३७८३

आमची आशा

तो गडगडून बोलताच
ती कडकडून चमकली
मुसळधार सरींमधून
वाकडी-तिकडी ठूमकली

तीच्या-त्याच्या परतीची
वाजत-गाजत नशा आहे
नुकसान फक्त टळलं जावं
एवढीच आमची आशा आहे

विशाल मस्के
सौताडा, पाटोदा, बीड.
मो. ९७३०५७३७८३

संप

पशु-पक्षांच्या माना-पानाचं
रूढी-परंपरेत गूढ भासतं
पितृपाठाची सुरूवात होता
कावळ्यालाही महत्व आसतं

जर विचार करण्याची क्षमता
कावळ्यांनाही दिली असती
तर स्वत:ची किंमत कदाचित
त्यांनाही कळून आली असती

मागण्या कशा करायच्या हे
त्यांच्याही लक्षात आले असते
अन् वेग-वेगळ्या खाद्यासाठी
कावळ्यांनी संपही केले असते

विशाल मस्के
सौताडा, पाटोदा, बीड.
मो. ९७३०५७३७८३

डेली रूटींग

त्याच-त्याच गोष्टी करून
कधी मनंही विटले जातात
रोज-रोजच्या गोष्टींपासुन
मुद्दामहून टर्न घेतले जातात

कोणी सांगण्याची गरज नाही
आपणंच समजुन घ्यावं लागतं
कितीही टर्न घेतले तरीही
डेली रूटींगवर यावं लागतं

विशाल मस्के
सौताडा, पाटोदा, बीड.
मो. ९७३०५७३७८३

नका घेऊ गळफास

किसानाची पोरं आम्ही धरू नवा ध्यास
बाबाजींना सांगू आम्ही
काकाजींना सांगू आम्ही
दादाजींना सांगू आम्ही
मामाजींना सांगू आम्ही
नका घेऊ देवा तुम्ही, गळ्यामध्ये फास ....!

जुने गेले, नवे आले, नुसते वेषांतर केले
नितिधोरण तेच आहे, रोज जरी तुम्ही मेले
डावे-उजवे, धर्म-पंथ, खुर्चीचेच दास ....!

छाती काढून म्होरं येऊ, हातामध्ये लाठी घेऊ
कोणाच्या ना बापा भिऊ, लुटारूंच्या पाठी ठेवू
पायाखाली तुडवत जाऊ, साऱ्या अडथळ्यांस ....!

हातामध्ये हात धरू, पोशिंद्याची एकी करू
लक्ष्यावरती चाल करू, एकेकाची कुच्ची भरू
’अभय’ जगा, आता ठेवा, आम्हावर विश्वास ....!