मनोरंजन

ह-झ-ल : पाहतो कोठे बिपाशा फार हल्ली...

Submitted by अ. अ. जोशी on 9 November, 2012 - 09:43

का पुन्हा धरलाय त्याने बार हल्ली ?
पाहतो कोठे बिपाशा फार हल्ली

घातली टोपी, उठविली बोंब सारी
शोधतो आहे तिला भंगार हल्ली

"चालतो आम्ही समाजाच्याबरोबर.."
का? कुणीही देत नाही कार हल्ली ?

बैठका झाल्या कमी अन भांडणेही..
आमचा असतो रिकामा जार हल्ली...

पाहतो मी 'दूरदर्शन' फक्त आता
बंदही ठेवीत नाही दार हल्ली...

केवढे लिहितात, बडबडतात सारे
काय कोणा मिळत नाही मार हल्ली ?

रोज ढुसक्या सोडती हे न्यूजचॅनल
पादण्या फुकटात मिळती पार हल्ली

खेळही ज्याने करावा भ्रष्ट, कुजका
त्या गळ्यामध्येच पडती हार हल्ली...

एवढे पाणी मिळत नाहीच कोठे ?
वापराव्या खास चड्ड्या चार हल्ली

जोड-ओळी

Submitted by उदयन.. on 9 November, 2012 - 01:06

इश्कवाला लव.....या गाण्यावरुन अजुन काही शब्द आठवले......

इश्क वाला लव...........
.

.
पानी वाली नदी
.
.
आग वाले निखारे
.
.
मातीवाले मैदान
.
.
कपड्यांचा शर्ट पँट
.
.

विषय: 

फुले किती बागेत उमलली

Submitted by पुरंदरे शशांक on 8 November, 2012 - 22:28

फुले किती बागेत उमलली

फुले किती बागेत उमलली
गोड गोडशी कितीतरी
फुलपाखरु होउनी जावे
गुंजत र्‍हावे फुलांवरी

रंग वेगळे किती किती ते
देतो यांना कोण बरे
वा-यावरती डोलत असता
भान हरपुनी मी निरखे

जाई जुई पांढरी शुभ्रसी
जास्वंदी ही लाल किती
केशरदेठी पारिजात हा
गंधित झाला परिसरही

गर्द जांभळी गोकर्णी ही
गुलाब फुलले कोमलसे
शेवंतीही पिवळी पिवळी
उन कोवळे पसरविते

ऊंचाउनिया मान केवढी
निशीगंधही उभा दिसे
मंद सुगंधी झुळका येता
मन मोहवुनि टाकतसे

उडदामाजी काळे गोरे.... (अतिजलद....हझल)

Submitted by अ. अ. जोशी on 8 November, 2012 - 08:56

उडदामाजी काळे गोरे

(साहित्य सम्मेलनावर झालेल्या माबोवरील चर्चेतूनच पहिली ओळ मिळाली आणि २० मिनिटात जमली तशी...)

उडदामाजी काळे गोरे
उधळत फिरती टवाळ पोरे

त्यांस मिळाल्या शाली, श्रीफळ
ज्याचे पाटी-पुस्तक कोरे

चिमटा बसता आला उठुनी
तोवर उघडाबंब्या घोरे

मते मिळाली त्यास मिळाली
असोत जोशी किंवा मोरे

चड्डी बांधा नीट अगोदर
नसे इलॅस्टिक; देऊ दोरे

मते कशी एवढी वाढली
कुठून आणले होते खोरे..?

माहित नव्हते ज्यांना डॉक्टर
दिसतिल बघ त्यांचेही तोरे

उंदीरमामांची फजिती.......

Submitted by पुरंदरे शशांक on 5 November, 2012 - 05:35

उंदीरमामांची फजिती.......

उंदीरमामा चालले होते इकडेतिकडे पहात
धपकन पडले एकदम, नि चरफडले मनात

बघतात खाली चमकून ते आले काय पायात
टिकलीची डबी लाल निरखत घेऊन हातात

टिकल्या पाहून तोंडाला पाणी सुटले जोरात
खाऊ लाल वाटला त्यांना, घेऊन आले बिळात

दाताने उकरताना गेल्या एक्-दोन तोंडात
चावून चावून तुटत नाहीत काय करावे अशात

आतला खाऊ मिळेल कसा विचार केला मनात
घेतला एक दगड आणि फोडली पुढली जोशात

धाडधूम आवाज झाला छोट्याशा बिळात
मामा बिचारे घाबरुन आईकडे बघतात

हत्तीदादा....

Submitted by पुरंदरे शशांक on 2 November, 2012 - 01:40

हत्तीदादा....

हत्तीदादा हत्तीदादा झुलता कित्ती छान
हालतात कसे मोठ्ठे मोठ्ठे सुपाएवढे कान

सोंड वळवळ करते ती कित्ती ती सापासारखी
कुठं बरं ठेऊ हिला शोध्ता का जागा सारखी ?

दात तर तोंडाबाहेर असले बिनकामाचे ?
ब्रशिंग-बिशिंग काही नको मग काय मिरवायचे ?

पाय ते केवढे मोठ्ठे आहेत नुस्ते खांबासारखे
दिस्ता कसे तुम्ही अगदी काळ्याशार डोंगरासारखे

शेपूट मात्र तुमची ही कित्ती बारीक एवढुशी
भल्या मोठ्ठ्या गादीवर लोंब्तीये दोरी छोटीशी.....

शब्दखुणा: 

बडबडगीत...

Submitted by पुरंदरे शशांक on 1 November, 2012 - 02:12

बडबडगीत...

एक छान चिऊताई
उड्या मारत दाणे खाई
चिवचिवाट उगा करत
अंगणभर नाचत जाई

एक कावळा काळा काळा
हाक मारी माझ्या बाळा
काव काव उठा उठा
खाऊ लौकर आणा मला

एक पिल्लू गोजिरवाणं
भू भूचं वेडं सोनं
शेपूट हल्वून करी ऊं ऊं
किती थांबू आणा खाऊ

म्याँव म्याँव मनीमाऊ
जर्रा झोप मोडा पाहू
वास येता खासम् खास
उड्या मारी मासेखाऊ

शब्दखुणा: 

LED आणि LFD मध्ये काय फरक आहे?

Submitted by मी अमि on 1 November, 2012 - 01:33

LED आणि LFD मध्ये काय फरक असतो? LFD ला सेट टोप बॉक्स जोडून टिव्ही दिसू शकतो का?

रान...

Submitted by पुरंदरे शशांक on 1 November, 2012 - 00:16

रान...

रान मनात वसलं
पान पान तरारलं
रंग हिरवा लेऊन
सारं काळीज दाटलं

काळी भुई होती साधी
जरा बरड बरड
थेंब येता अवकाळी
कोंब उगवलं ग्वाड

निरखितो मीच मला
जरा दुरुन दुरुन
तण माजता माजता
घेतो जरा खुरपून

उन्हा वार्‍याचा तो जोर
देतो जोम जगण्यास
हिरवाई जपताना
उगा मानावा का त्रास....

शब्दखुणा: 

चांदोबाही हसतो....

Submitted by पुरंदरे शशांक on 29 October, 2012 - 07:20

चांदोबाही हसतो....

काळा काळा पिंजलेला कापूस गेला
गोरा गोरा चांदोबा आकाशात आला

गोरा गोरा चांदोबा बघ्तो डोकावून
जागतंय कोण कोण चांदण्यात बसून

आटीव दुधाची आज आहे मज्जा
खेळ गाणी खूप खूप जोडीला गप्पा

दूध पिऊन सोनूच्या ओठावर मिशी
चांदोबाही हसतो वर फिशीफिशी....

Pages

Subscribe to RSS - मनोरंजन