तीचा संसार
त्याच्या विना तीची हौस
फिटता फिटणार नाही
त्याच्या सहकार्याविना
तीचा संसार थाटणार नाही
आता या गोष्टीचीही
येऊ लागलीय साक्ष
ती आहे केबल टि.व्ही.
तो आहे सेट-टॉप-बॉक्स
विशाल मस्के
सौताडा,पाटोदा,बीड.
मो.९७३०५७३७८३
सामाजिक प्रेशर
स्वत:चं काम करणंही
मुद्दाम टाळतात लोक
कर्तव्यापासुन दूर-दूर
मुद्दाम पळतात लोक
कधी कोणते काम करावे
ज्याचे-त्याचे नेचर असते
पण कर्तव्याचा विसर पडणे
हे सामाजिक प्रेशर असते
विशाल मस्के
सौताडा,पाटोदा,बीड.
मो.९७३०५७३७८३
चोर मचाए शोर
कुणाच्या तोंडून काय निघावे
याचा कुठेच आराखडा नाही
वादग्रस्तांनाही पोसतात लोक
ही साधी-सुधी पीडा नाही
आपली चोरी लपवण्याला
आयडीया वापरतात नव्या
चोरी करून चोरणारालाच
मुद्दाम घालतात शिव्या,..!
विशाल मस्के
सौताडा,पाटोदा,बीड.
मो.९७३०५७३७८३
प्रादूर्भाव सत्कार्याचा
शिक्षण घेतलं,प्रगत झाल्या
विचारांनीही जागृत झाल्या
समाजातील महिला आता
भरभराटीचा पर्वत झाल्या
आज घडतोय इतिहास
स्री शौर्याचा अन् धैर्याचा
हा प्रादूर्भाव आहे सारा
सावित्रीच्या सत्कार्याचा
विशाल मस्के
सौताडा,पाटोदा,बीड.
मो.९७३०५७३७८३
दहशतवादी हल्यांत
कळेना माणसांना
भावना आसवांची
माणसांत पसरलीय
दहशत माणसांची
मनातील सुड भावाने
माणूस मारला जातोय
या दहशतवादी हल्यांत
माणूस हरला जातोय
विशाल मस्के
सौताडा,पाटोदा,बीड.
मो.९७३०५७३७८३
पॅनकार्ड अनिवार्य
व्यवहारांचे कार्यही
आता अडले जातील
वेग-वेगळ्या व्यवहारांत
पॅनकार्ड धाडले जातील
कुणाला वाटेल खोळंबा
कुणाला वाटेल गार्ड आहेत
वेग-वेगळ्या क्रियांसाठी
अनिवार्य पॅनकार्ड आहेत
विशाल मस्के
सौताडा,पाटोदा,बीड.
मो.९७३०५७३७८३
बंध स्नेहाचा
इकडून तिकडे
तिकडून इकडे
हर्षात फिरल्या
चोहिकडे,...
परामर्शिक स्पर्शाच्या
शुभेच्छा नव-वर्षाच्या
बंध दाटला स्नेहाचा
मनाकडे,...
विशाल मस्के
सौताडा,पाटोदा,बीड.
मो.९७३०५७३७८३
शुभेच्छा नव-वर्षाच्या
करा निर्धार नव-वर्षाचा
यशप्राप्तीसाठी झटण्याचा
सुख-शांती-यश देखील
खुशी-खुशीने वाटण्याचा
मिळत राहील यश सदैव
तुमच्या सार्‍या प्रयत्नांना
जीवनी तुमच्या तत्परतेने
डिस्चार्ज मिळो यातनांना
झाला प्रफूल्लित मन:पुर्वक
हा घ्या शब्दफूलांचा गुच्छा
देतो आपणास स्नेहबंधाच्या
नव वर्षाच्या नव शुभेच्छा
विशाल मस्के
सौताडा,पाटोदा,बीड.
मो.९७३०५७३७८३
जुने साल
नव्याचे स्वागत करताना
जुण्याचे मानावे आभार
उगवत्याच्या उगवण्याला
बुडत्याचा मिळतो आधार
नव्या नव्या उमेदीने
नवे साल हे नटले आहे
जुने सालही नव्या-नव्यानं
इतिहासात थाटले आहे
विशाल मस्के
सौताडा,पाटोदा,बीड.
मो.९७३०५७३७८३
३१ डिसेंबर
तारीख आणि महिना
तोच तोच आहे जरी
साल मात्र बदललं
नव्या सालाचं मनामध्ये
नवं कुतुहल ओघळलं
एक साल बाद पुन्हा
आला आहे ३१ डिसेंबर
झालं असेल भयभीत
भिंतीवरचंही कॅलैंडर
विशाल मस्के
सौताडा,पाटोदा,बीड.
मो.९७३०५७३७८३
मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.