मी का आहे इथे....
Submitted by उमेश वैद्य on 5 January, 2013 - 04:09
मी का आहे इथे....
मी का आहे इथे कधीच कळले नाही
अस्तीत्वाचे मोल कुणा समजले नाही
माझे आगत स्वागत नाहीच झाले पण
‘का आलास’? कुणी बोलण्यास धजले नाही
त्यांची जागेपणाची व्याख्याच वेगळी
झोपलोच होतो पण डोळे मिटले नाही
होता शब्द भपकाच, नव्हता ओलावा
त्या दारी हे पाय कधीच वळले नाही
माझ्या दृष्टीने हे जग झाले की निकामी
येथे उरलेना जे मी भोगले नाही
पाहिली मी वाट जो उमगेल हे कोडे
पण हे सांगणारे कुणी निपजले नाही
उ.म. वैद्य २०१३
विषय:
शब्दखुणा: