मी कडबोळे विश्वाचे
Submitted by बेफ़िकीर on 24 November, 2012 - 01:09
गूढ युगांचे मिश्रण त्यावर लेप उभ्या इतिहासाचे
मी कडबोळे विश्वाचे
रितेपणाने ओसंडत मी व्यापत जातो नसण्याला
जन्म देत या असण्याला
तुडुंबतेची क्षणभंगुरता अस्तित्वाला गर्भारे
अनंत त्यावर बंधारे
निर्माता मी मीच निर्मिती शोषित मी अन् शोषक मी
खेळाडू अन् प्रेक्षक मी
मुक्त व्हायच्या कल्पनेस ना काळ दिशा किंवा न मिती
अथ ना ज्यास न ज्यास इती
-'बेफिकीर'!
विषय:
शब्दखुणा: