साहित्य

हे महामानवा,...

मानव जातीच्या कल्याणाला
शांततेचा तुच मार्ग दिला
अहिंसेचा स्वीकार करूनही
नष्ट विषमतेचा वर्ग केला

आज मानवतेच्या मना-मनात
तुझ्या शांततेची भ्रांती आहे
हे महामानवा तथागता
हि तुझीच विश्वक्रांती आहे

विशाल मस्के
सौताडा,पाटोदा,बीड.
मो.९७३०५७३७८३

गंमत हास्य दिनाची,...

तीला म्हटलं हसून घे
आज हास्य दिन आहे
एक दिवस हसण्याचाही
सांग तुला का शीन आहे

तीनं माझ्याकडं पाहीलं
चेहरा थोडा गंभीर केला
तीच्या या गंभीर वर्तनाला
मी माझाच मला धीर दिला

मी प्रयत्न केला तरीही
ती मात्र हसली नाही
तीच्या स्वभावाशी ती
जराशीही फसली नाही

तीचा चेहरा पाहून मात्र
मी गप-गुमान बसलो होतो
तीला हसवण्याच्या नादात
मीच आज फसलो होतो

मात्र तीला पाहून मीही
आता पुरता गंभीर झालो
आता मीही हसणार नाही
या मतावर खंबीर झालो

माझी झालेली फसगत
आता मला दिसु लागली
मात्र माझा चेहरा पाहून
ती जोरजोरात हसु लागली

नक्की कळेनासं झालं मला

संवाद गायी-बाईचा,...!

एकदा गायी म्हणाली बाईला
माझ्यापोटी ३३ कोटी देव आहेत
जिथं तुला किंमतच नाही तिथेही
आम्हा गायींच्या उठाठेव आहेत

मग बाई पण म्हणाली गायीला
हा माझ्या नशिबाचा दोष नाही
पण माणसांच्याच कुकर्माचा
इथे माणसांनाच होश नाही

आज जे तुला किंमत देतात
त्यांनीही मोठा जुल्म केलाय
विसरले आहेत की त्यांनाही
एका बाईनंच जन्म दिलाय

विशाल मस्के
सौताडा,पाटोदा,बीड.
मो. ९७३०५७३७८३

सुट्ट्यांची मजा

शालेय जीवना पासुनच मनाला
सुट्यांची आवड जडलेली असते
कित्तेक कामांची मुहूर्तमेढ सुध्दा
सुट्ट्यांवरतीच अडलेली असते

रोज-रोज सुट्ट्या शोधत मनं
सुट्ट्यांच्या आखणीत गुंग असतात
अन् लहाणा पासुन थोरांसहीत
लोक सुट्ट्यांसाठी उत्तुंग असतात

विशाल मस्के
सौताडा,पाटोदा,बीड.
मो.९७३०५७३७८३

लँन्डलाईनचे वापर,...

मागे पडणारं लँन्डलाईन
मागे ना पडावं वाटतंय
मोफत सेवा देऊन तरी
लँन्डलाईन वाढावं वाटतंय

मात्र फ्री कॉलिंग करण्यासाठी
लोक लँन्डलाईन जोडून घेतील
अन् ठरेल ठरावीक वेळेतच
लँन्डलाईनचे वापर घडून येतील

विशाल मस्के
सौताडा,पाटोदा,बीड.
मो.९७३०५७३७८३

मान-पान,...!

संधीचा लाभ घेण्यासाठी
हळदीने पिवळे असतात
मान-पान मिळावा म्हणून
सारेच उतावळे असतात

मान-पान मिळवण्यासाठी
अतोनात धडपडू शकतात
तर कधी माना-पानासाठी
नाराजीनाट्यही घडू शकतात

विशाल मस्के
सौताडा,पाटोदा,बीड.
मो.९७३०५७३७८३

महाराष्ट्र माझा

घडले कित्तेक पराक्रम
या महाराष्ट्राच्या मातीमध्ये
किंचितही ना पडला मागे
जगाच्याही या गतीमध्ये

या महाराष्ट्रातल्या किर्तीचा
जगभरातही पडघम आहे
असाच होईल गौरव सदैव
अहो या मातीतच दम आहे

विशाल मस्के
सौताडा, पाटोदा, बीड.
मो.९७३०५७३७८३

संस्कृती

वेग-वेगळ्या धर्मांचे इथे
वेग-वेगळे नियम आहेत
समतेपासुन अजुनही कुठे
माणसंच दुय्यम आहेत

स्वाभिमान बाळगता येईल
अशी आपली संस्कृती असावी
मात्र कुणाच्याही संस्कृतीमध्ये
कधीच विषमतेची विकृती नसावी

विशाल मस्के
सौताडा, पाटोदा, बीड.
मो.९७३०५७३७८३

गझल...

तू मला टाळून कळले, लपविले जे अंतरी..
आणखी आणू नको तू आव कुठले अंतरी..!

दूर तू असतेस आता, काळजी कुठली नसे...
भेट की भेटू नको विश्वास आहे अंतरी..!

मन तुझे कळले मला शब्दांविना स्पर्शातुनी..
फारही सांगू नको तू ठेव थोडे अंतरी..!

मी तुला भेटायला इतके मुखवटे चढविले..
आणि ओळखलेस तेंव्हा भाव फुलले अंतरी..!

ती गुलाबाची कळी पाहून मी स्मरले तुला..
फुलत गेले आठवांचे रोम हर्षे अंतरी..!

आज तू पुसलेस अश्रू, पायही दमले तुझे..
केवढे छळलेस पूर्वी, काय पिकते अंतरी..?

घोषणा केलीस तू भेटायचे आहे पुन्हा..
पण मिठीच्या आत कळले फोलपण जे अंतरी..!

सत्तेची वाटा-घाटी

सत्तेची साय चाटण्यासाठी
विरोधकासही लळा असतो
अन् महत्वाच्या पदांवरती
प्रत्येकाचाच डोळा असतो

महत्वाच्या पदांसाठी कधी
अंतर्गत आटा-आटी असते
तर कधी पदांच्या मलिद्यासाठी
इथे सत्तेचीही वाटा-घाटी असते

विशाल मस्के
सौताडा, पाटोदा, बीड.
मो.९७३०५७३७८३