एक पिल्लू माऊचं

एक पिल्लू माऊचं

Submitted by पुरंदरे शशांक on 22 October, 2012 - 00:32

Image1085.jpg

एक पिल्लू माऊचं
काळ्या-पांढर्‍या ठिपक्याचं

बसलं बागेत केव्हाचं
उन खात सकाळचं

फुलपाखरु भिर्भिरताना
कित्ती माना वळवायचं

आळसानं भरभरून
तिथेच पडून रहायचं

वास येताच दुधाचा
घरात पळत जायचं

दूध लप्लप पिताना
डोळे मिटून घ्यायचं

मग मात्र अंग सारे
चाटून साफ करायचं

अस्सं पिल्लू माऊचं
आमच्याच घरी असायचं...

Subscribe to RSS - एक पिल्लू माऊचं