मुक्तस्रोत(Open Source)

मित्रत्व

कुणाकडून नियतीत आहेत
कुणाकडून नियती बाहेर आहेत
मित्रत्वाच्या व्याख्या इथे
एकापेक्षा एक माहिर आहेत

आप-आपल्या विचारांनुसार
खरे मित्रत्व सांगु लागले
हास्यास्पद अन् गंभीर वारे
सोशियल मिडीयात झिंगु लागले

विशाल मस्के
सौताडा, पाटोदा, बीड.
मो.९७३०५७३७८३

फ्रेंडशिप डे

ह्रदयापासुन निघालेला
ह्रदयापर्यंत वे असतो
शुभेच्छा देण्या-घेण्यासाठी
फ्रेंडशिपवाला डे असतो

आपुलकीच्या वर्षावाचा
रोजच इथे वारा वाहतो
मात्र "फ्रेंडशिप डे" हा
आहे म्हणून साजरा होतो

विशाल मस्के
सौताडा, पाटोदा, बीड.
मो.9730573783

सदरील वात्रटिका ऑडीओ स्वरूपात ऐकण्यासाठी व्हाटस्अप नंबर : 9730573783

चव

ज्या गोष्टींचा आदर करावा
त्यांची कदर होत नाही
चांगल्याचाही चांगुलपणा
कधी सादर होत नाही

कोणत्या गोष्टींना कसे पहावे
हे तर संस्काराचे पेव असते
मात्र बेचव माणसांना
चवीचीही चव नसते,...

विशाल मस्के
सौताडा, पाटोदा, बीड.
मो.९७३०५७३७८३

आण्णाभाऊ

विषादातही चमकणारा
तु तेजस्वी तारा होता
जगी घाव घालणारा तु
परिवर्तनीय वारा होता

तुझे विचार आत्मसात करून
या जगी बदल लागले होऊ
हे शतश: अभिवादन करतो
आज तुजला आण्णाभाऊ,...

विशाल मस्के
सौताडा, पाटोदा, बीड.
मो.९७३०५७३७८३

विकास कामं

प्रत्येकाचा हिस्सा ठरवुन
विकास निधी वाटले जातात
पुढचे कामं थाटत असताना
मागचे कामं फूटले जातात

पुन्हा नविन बजेटसाठी
कुणी नव्याने नटले जातात
जुने कामं झाकून ठेऊन
नविन हाती घेतले जातात

विशाल मस्के
सौताडा, पाटोदा, बीड.
मो.९७३०५७३७८३

राजकारण

पतीकडे एक पद
पत्नीकडे एक पद
आपत्यांची मात्र
पदासाठी खदखद

सासु-सासरे अनुभवाच्या
एकेक पुड्या सोडतात
अन् समाजाचे राजकारण
घरातल्या-घरात घडतात

विशाल मस्के
सौताडा, पाटोदा, बीड.
मो. ९७३०५७३७८३

सत्य स्थिती

यांच्या डोळ्यात ते दोषी
त्यांच्या डोळ्यांत हे दोषी
आरोप मात्र लागत नाहीत
का दोघांच्याही अंगाशी,.?

विरोधी चेहरे समोर पाहून
संयम जणू बंडाळले जातात
आरोप असो वा प्रत्यारोप
गोंधळात गुंडाळले जातात

विशाल मस्के
सौताडा, पाटोदा, बीड.
मो. ९७३०५७३७८३

जीवनात

जीवन हे खुप सुंदर आहे
मात्र सुंदरतेत येऊन बघावे
सुंदर जीवन जगण्यासाठी
गतानुगतिक होऊन वागावे

जाणीवपुर्वक वा अभावितपणे
कधीच हातुन घडु नये गुन्हा
करा आयुष्यात सत्कार्य सदैव
हे जीवन नाही पुन्हा-पुन्हा

विशाल मस्के
सौताडा, पाटोदा, बीड.
मो. ९७३०५७३७८३

शिक्षा

हव्या तेवढ्या पळवाटा
पळून पाहिल्या जातात
त्याच-त्याच वाटा सुध्दा
वळून पाहिल्या जातात

पण याचनेला भिक घालत
गुन्हेगारांना ना सुरक्षा असते
ज्याने कॅपीटल गुन्हा केलाय
त्याला कॅपीटल शिक्षा असते

विशाल मस्के
सौताडा, पाटोदा, बीड.
मो. ९७३०५७३७८३

हतबलता,...

पळून-पळून थकले जातात
हरलेला डाव कळून घेतात
जेव्हा उपलब्घ पळवाटाही
परिस्थितीपुढे पळून जातात

परिस्थितीचे गांभिर्य पाहून
चहूबाजुनेच फेटाळलं जातं
तेव्हा मात्र उम्मीद सोडून
हतबलतेला कवटाळलं जातं

विशाल मस्के
सौताडा, पाटोदा, बीड.
मो. ९७३०५७३७८३