एक अनुभव - ग्राहक म्हणुन ...

आम्ही मागच्या August महिन्यात प्रभादेवी येथील Sixth Sense दुकानामधून एक Black & Decker इस्त्री ( model no. F 150 ) विकत घेतली.त्यासोबत इस्त्रीचे दोन वर्षाचे warranty card हि मिळाले होते.काही महिन्यानी वापरामुळॆ इस्त्रीच्या wire वरील कापडी आवरण सैल होऊ लागले आणि मग काही दिवसानी ते हळुहळु निघुन आतील wire उघडी पडु लागली.अशा वेळी shock लागण्याचा धोका असल्यामुळे आम्ही ती इस्त्री वापरणे बन्द केले आणि मे महिन्याच्या २५ तारखेला दुरुस्तीसाठी दुकानामध्ये दिली.तिथे company चा माणुस येऊन दुरुस्त करेल पण त्यासाठी जवळजवळ १५०/- रू. दुरुस्ती-खर्च द्यावा लागेल असे दुकानाकडुन सांगण्यात आले. सोबतचे warranty card दाखवुनही "wire खराब झाली तर दुरुस्ती-खर्च द्यावाच लागतो नवीन wire घालण्यासाठी" असे उत्तर देण्यात आले.शेवटी तो दुरुस्ती करणारा कारागिर आला की मला कळवा मी बोलिन त्याच्याशी असे सांगुन मी परत आले.
२-३ दिवसानी दुकानातून फोन आला परंतु कारागिराशी बोलणे न झाल्यामुळे मी जिथुन तो कारागिर आला होता त्या service center ला फोन केला (जे नेरूळ येथे आहे असे कळले). तेथे पुन्हा warranty card आणि दुरुस्ती-खर्चाबद्दल विचारले असता "आम्ही मोफ़त सेवा देऊ शकत नाही.का ते company ला विचारा" असे उत्तर मिळाले.मग पुन्हा त्यांच्याकडून फोन नंबर घेऊन company office जे चेंबुरला आहे असे कळले ,तिथे फोन करणे आले.तिथे फोन केला असता तिथे असलेल्या व्यक्तीने service center शी बोलुन परत माझी सगळी कर्म-कहाणी जाणून घेतली आणि दुरुस्ती-खर्च द्यावा लागेल हेच सांगितले.वर "तुम्ही इतर कुठल्याहि company कडे चौकशी केली तरी wire साठी दुरुस्ती-खर्च द्यावाच लागतो" असे सांगितले.शेवटी warranty card असुन काही उपयोग नाही हे मनाशी ठरवुन मी फोन ठेवला.घरी जाऊन warranty card परत एकदा नीट वाचुन काढले पण त्यात wire साठी पैसे द्यावे लागतील असे कुठेहि म्हटले नव्हते.तरीहि ,दुसऱ्या दिवशी दुकानात फोन करुन दुरुस्ती-खर्च द्यायला तयार आहोत असे सांगायचे ठरवले होते.
पण अचानक लोकसत्ता मध्ये वाचलेली एक बातमी आठवली.ती बातमी होती mineral water bottle वर छापलेल्या किमतीपेक्षा अधिक पैसे देण्याविरुद्ध ग्राहक मंचाकडे केलेल्या तक्रारीसंबधी आणि त्यात त्या तक्रारकर्त्याचा झालेला विजय.हे आठवल्याबरोबर दुसऱ्या दिवशी मी परत company प्रतिनिधीला फोन करुन warranty card ची आठवण करुन दिली.माझ्या अपेक्षेप्रमाणॆ त्याने परत नकारघंटा वाजवल्याबरोबर मी ग्राहक मंचाकडे तक्रार करण्याची धमकी दिली आणि त्याच्याकडुन त्याच्या चेंबुर कार्यालयाचा पत्ता लिहुन घेतला (जो देण्यासाठी त्याने खुप टाळाटाळ केली).शेवटी फोन ठेवुन दिला आणि Internet वरुन ग्राहक मंचाकडे कसा संपर्क साधायचा याची माहिती काढायला सुरुवात केली.एक अर्धा तास झाला आणि थोड्याच वेळात त्या company प्रतिनिधीचा मला फोन आला -
"मी माझ्या वरिष्टांशी बोललो असुन तुमचे म्हणने मी त्यांना सांगितले आहे.तुम्हांला ग्राहक मंचाकडे जाण्याची गरज नसुन आम्ही ती wire बदलण्यासाठी कुठलाही दुरुस्ती-खर्च घेणार नाही.मला फ़क्त २ दिवस द्या.नविन wire दुकानात पाठवतो आणि मग इस्त्री घेउन जा".हे ऐकले मात्र आणि एवढे दिवस फोनाफोनी करण्यात घालविलेले श्रम सार्थकी लागल्याचे समाधान वाटले ! पण २ दिवसांनी दुकानात गेले असता परत तोच अनुभव ! दुरुस्त केलेली इस्त्री तर हातात दिली पण पैसे द्यावे लागतिल असे दुकानदाराने सांगितले.मी निक्षुन नाही सांगितल्यावरच ते वरमुन गप्प बसले. आणि मग मनातल्या मनात ग्राहक शक्तीचा विजय असो ही घोषणा देतच तेथुन बाहेर पडले !!!

ता.क. - अशाच आशयाचे एक पत्र लोकसत्ताला लिहायचे मी ठरवत आहे.जेणेकरुन कदाचित माझ्यासारखे जे इतरही ग्राहक असतील त्यांना हा अनुभव उपयोगी ठरेल.

--- चांदणी *