Submitted by मंदार खांबेटे. on 28 June, 2026 - 16:36
कोणत्या वाटेवरी चालायचे सांगा मला,
तलवार हाती घ्यायची, की फूलं, ते सांगा मला;
लाखो मुखवट्या आड हा दडपून आहे चेहरा,
पडता-क्षणी पडदा इथे, येईन 'मी', सांगा मला;
जगण्यातल्या पठडीतला सदरा विकत मिळतो म्हणे,
मी राहिलो जर नागवा, चालेल का सांगा मला?
हो, तशी तर पापकर्मे जाहली आहे खरी,
कोणत्या हवनातूनी फेडायची? सांगा मला!!
खालसा झाली घराणी संसदेतून नांदली,
लोकशाही जर कुठे आली नजर, सांगा मला..
- मंदार खांबेटे ©
#कवी_मी ♥️
प्रांत/गाव:
Groups audience:
Group content visibility:
Public - accessible to all site users
वाह! भले शाब्बास .
वाह! भले शाब्बास .
जगण्यातल्या पठडीतला सदरा विकत मिळतो म्हणे,
मी राहिलो जर नागवा, चालेल का सांगा मला?
खालसा झाली घराणी संसदेतून नांदली,
लोकशाही जर कुठे आली नजर, सांगा मला..